فراخ بالخلطه وبطاطس منكوشه

**راجيه** مديرة منتدى تاريخ التسجيل : 20/10/2009

اول حاجه نروح للبطاطس المنكوشه
)
المقادير
1\2 كيلو بطاطس مثلاً يعني )
2بيضه
5 فصوص ثوم
ملح وفلفل حسب الرغبه
طبعاً أنا عارفه بنات احلي حياه وانا منهم شاطرين أد ايه
)
فحبيت ابدا معاهم خطوه خطوه من أول تقشير البطاطس
بعد ما بنقشر البطاطس

بعد كده تبشريها )

حتسيبيها تتبل شويه بعد ما تضيفي التوم والملح والفلفل والبيض بعد ما بتضربيه
وبعدين تكوريها وتعصريها بس مش اوووي بحيث انها تمسك في بعضها
ولما تحطيها في الزيت متقلبهاش الا بعد مده عشان متفكش من بعضها
وتكوني محضره الزيت
من بدري
بحيث انه يكون سخن وتتحمر كويس

نسيب البطاطس لحد ما تتحمر
ونروح للفراخ
الفراخ عاديه خالص
بس عملنا اضافه بسيطه ادت طعم وشكل جميل
حنسلق الفراخ عادي
نيجي بقي للخلطه السريه
المقادير
فلفل الوان بقي
طماطم
بصل
زعتر
ملح وفلفل حسب الرغبه
حنقطع البصل شرايح رفيعه وبردو الفلفل والطماطم

نجيب طاسه ونسيح حتة زبده عشان نشوح فيها البصل والفلفل والطماطم
حنحط البصل الاول

بعدين الفلفل

حنسيب البصل والفلفل يتشوحوا شويه
وبعدين نحط الطماطم اخيراً
ومعاها الملح والفلفل والزعتر ( بيدي نكهه رااااااااااااائعه)

وده شكلها بعد ما خلصناها

ممكن تجهزيها من بدري وقبل التقديم بربع ساعه
نحطها ع الفراخ
حنجيب صنيه ونرص الفراخ ونحط مغرفتين شوربه
وبعد كده نحط الخلطه علي الفراخ زي الصوره )

ونحطها تحت الشوايه حوالي عشر دقايق كده بحيث انها تحمر وخدو بالكم منها بعدين تتحرق
ولاضافة نكهة الفراخ المشويه
تجيبي حتة فحمه تسخنيها علي اي عين
وبعدين علي ورق فويل
تحطيها في وسط صنية الفراخ
ونقطة زيت تطفي بيها الفحمه وتقفلي ع الصنيه
كويس
كده خلصنا الفراخ
نرجع للبطاطس
شكلها كده اتحرقت
ولما تقدميها لزوجك
يقولك
مش كفاية انتي منكوشه
البطاطس كمان
)
لأ وكمان محروقه
وده شكلها بعد ما اتحمرت

وادي الفراخ
والتزيين بقي ده يرجع ليكي

وبالهنا والشفا