عمل خبز النان الهندي

عمل خبز النان الهندي


المقادير

4 x كوب (140 جرام) دقيق (أبيض)
3 x عدد فص ثوم (مفروم)
2 x معلقة كبيرة خميرة (فورية)
2 x معلقة صغيرة سكر
1 ½ x كوب (240 مللى) ماء (دافى)
1 x معلقة صغيرة ملح
1 x معلقة صغيرة فلفل اسود مطحون
0.3 x كوب (140 جرام) زبادي
¼ x كوب (140 جرام) زبدة


هنضيف السكر للماء ونقلبه كويس وبعدين هنضيف الخميرة ونقلبها كويس وبعدين هنغطى الماء ونسيبه على جنب يخمر.
فى بولة كبيرة هنضيف الدقيق وعليه الملح ونقلب كويس.
هنضيف الزبادى على الدقيق ونخلطه كويس (يفضل استخدام خلاط يدوى)
أثناء الخلط هنضيف الخميرة شوية شوية لحد ما قوام العجين يتماسك (مش شرط نستعمل كل كمية الماء والخميرة)
هنسيح الزبدة ونضيفها على العجين ونستمر بالعجن كويس.
هنضيف الثوم المفروم أو البودرة للعجين ونعجنه تانى كويس جدا.
هنقسم العجينة لكرات متوسطة الحجم ونغطيها ونسيبها على جنب لمدة نصف ساعة علشان تخمر.
بعد ما تخمر كرات العجين هنفردها على شكل دائرى بالنشابة لحد ما تبقى رقيقة ونراعى اننا نرش دقيق على الرخامة والعجين واحنا بنفرده.
على نار متوسطة هنجيب صاجة وبعد ما تسخن هنبدأ نسوى عليها العجين المفرود لمدة دقيقة وبعدين نقلب العجين وندهن الوش بزبدة سايحة وبعد دقيقة نقلب تانى وندهن الوش التانى بزبدة سايحة وبعد دقيقة نقلب كمان مرة وبكده يبقى الرغيف استوى.
هنرفع الخبز من على النار ونفصل بين الأرغفة بورق زبدة وبالهنا والشفا.

تسلم الايادى موضوع مميز من عضو مميز

دود مميزة ورااائعه كروعتكم اخواتي
لا عدمنا مروركم الطيب
جزاكم خيرا على تشريفكم صفحتي
والى الملتقى بادن الله دمتم في رعاية الله وحفظه

رااااااااااااائع تسلم ايدك
الله يباركك