ثلاث انواع من الكباب والكفتة

من طرف **Admin** السبت 05 يناير 2013, 22:18

السلام عليكم ورحمة الله تعالى وبركاته

طريقة عمل ثلاث انواع من الكباب والكفتة بالصور | recipالسلام عليكم ورحمة الله تعالى وبركاته

ثلاث انواع من الكباب والكفتة Pcgiy

اهلا بالحلوين وحشتوني جدا
موضوعي مختلف شوية بس انا حبيت اجمعهم كلهم ف موضوع واحد للاستفادة
عندي ثلاث انواع من الكباب او الكفته
والحمد الله كل اللي يذوقها عندي بتعجبهم وأكيد بيسألوا عن الطريقة
اول نوع الكباب بريحة المشوي والنوع ده ذي الجاهز بالظبط مع فارق نظافة البيت طبعا
يلا نشوف المقادير:
كيلو لحم مفروم وطازج
بصلة كبيرة
3 فص ثوم+ قليل من الكسبرة والشبت
2 م ك صلصة الباربكيو المدخنة
ملح + فلفل اسود مجروش+ هيل مطحون+ رشة قرفة مطحونة
الطريقة
نفرم البصلة مع شوية ملح في المفرمة ونسيبها شوية حتي يخرج منها الماء ثم
نعصر البصل من الماية كويس ونحط البصل فقط ع اللحم مع باقي الإضافات ثم
تفرم كل المكونات مع بعض حتي تتجانس
بقولكوا اية الصور توضح اكثر
هنا كل المكونات مع بعض

ثلاث انواع من الكباب والكفتة DtIuD

وهنا نفرمهم مع بعض ف المفرمة

ثلاث انواع من الكباب والكفتة Eultl

وده شكلها

ثم نشكلها علي السيخ او علي يد المعلقة الخشبية عشان تكون مجوفة م الداخل

ثلاث انواع من الكباب والكفتة EZnoN

ثم نرصهم في صينية تيفال ونصب عليها مائة البصل مع مراعاة عدم اضافة
ولانقطة مايه لان هي هاتخرج سوائلها ولما تستوي نكون مولعين قطعة فحم ونضع
في فنجان قطعة زبدة ونضع فوقها الفحم عشان يديكي طعم المشوي

ثلاث انواع من الكباب والكفتة BV9Qs

ثم نعلي عليها النار حتي تحمر قليلا وتنشف من السوائل وتقدم
والصراحة النوع ده من الكباب اللي بحب اقدمة في ساندويتش
بنضع الكفتة في الصامولي مع كاتشب ومايونيز وبقدونس اخضر طازج وكمان شرايح
من البصل الابيض وشرائح طماطم وبالتأكيد شوية شطة سائلة ( ياسلام ساندويتش
رووعه والطعم خياال)
وممكن تقدميها مع مكرونة

ثلاث انواع من الكباب والكفتة Pcgiy

النوع الثاني
كفتة البقسماط
المقادير:
كيلو ونصف لحم مفروم
كوب بقسماط
كسبرة وشبت طازج
بصلة كبيرة
4 فصوص ثوم
بيضة
ملح وفلفل اسود وهيل مطحون ورشة قرفة وفلفل احمر باربكيو
الطريقة
نضع كل المكونات مع بعض

ثلاث انواع من الكباب والكفتة 9koKk

ثم نضع البقسماط

ثلاث انواع من الكباب والكفتة XQ9FP

ثم نفرم كل المكونات مع بعض ف المفرمة
ثم نشكلها اصابع

ثلاث انواع من الكباب والكفتة ZKZzu

ثم نحمرها في الزيت

ثلاث انواع من الكباب والكفتة Cmd6E

وبعد كدة نضع قطعة زبدة في حلة ع النار ثم الكفتة ثم نضيف حوالي كوب من
المرق مع قطعة ماجي ونتركها ع النار حوالي ثلث ساعه مع التقليب
ودي النتيجة

ثلاث انواع من الكباب والكفتة 4NQxb

والنوع هذا انا بحب اقدمة مع المكرونة

( النوع الثالث كفتة الرز)
المقادير:
كيلو لحم مفروم
اقل من نصف كيلو رز مصري مطحون
شبت وكسبرة طازجة
بصلة وثوم
ملح وبهارات
الطريقة مثل السابق نخلطهم كلهم في المفرمه
ثم يشكل اصابع ويحمر
ثم نشوح شرايح ثوم في شوية زيت ثم نضيف عصير الطماطم
ومكعب ماجي وفلفل اسود وكمان ذوقي الملح ولما تتسبك الطماطم نضيف الكفتة ونتركها علي النار حتي تستوي وتندمج مع صوص الطماطم
والصراحة دي افضل نوع عندي وبحب اقدمها مع رز حبة وحبة يعني بحمر شوية رز الاول ثم نضيف باقي الرز
وبيطلع عندك واحدة لونها بني خفيف والتاني لونها ابيض
وهذا شكله واعذروني الصورة مش واضحة قوي كنت مستعجلة الأولاد كانوا جوعانين

ثلاث انواع من الكباب والكفتة AYazr

والنوع ده احلي حاجه فيه الصوص روووعه مع الرز
أتمني تجربوا اي نوع ان شاء الله تعجبكوا
في رعاية الله وامنه
ولاتحرموني من دعواتكم
الحمد لله الذي أطعمنا وسقانا وكفانا وآوانا فكم ممن لا كافي له ولا مأوي