ماعاش من تنثر عشانه مدامعك .

قبل اتّكلم .. عن ذنوبي ... بقاطعك
............. ياللي تقول اغليتني .. من غبائك




ماهو غبا فتّح لهرجــــي .. مسامعك
............. وركز معاي .. الله يســـعد مسائك



ماعاش من تنثر عشانه مدامعــــك
............. ولاعاش منهو يستهين .. بذكائك



من قبل اشوفك كنت عاشق طبايعك
............. وشفتك وشفت اللي نضح به إنائك



براءتك .. طهرك .. نقائك .. تواضعك
............. صدقك .. حنانك .. طيبتك ... كبريائك




ومن يومها لليوم ، قلبي مبايعـــك
............. اوصيت انه : مايخــــون بولائك




لاصرت تضوي لي طريقي واناْ اتبعك
............. وشلون ابستغفلك .. واطفي ضيائك



مقدر اطالع يم غيرك واطالعك
............. على الأقل .. ابستحي .. من وفائك




لو سقتني للموت والله لطــاوعك
............. مهما عطيتك مايعادل ... عطــــائك




وهالحين عقب اللي حصل ماقدر اسمعك
............. ولا ودي احكي زود واكسب عدائك




اللي بقوله قبل لاقفي واقاطعك :
............. من يمدحــــــــك ماراح يكتب ، هجائك


منـــقوول .. ~

تسلم ايدك
موضوع قيم

شكرا للكلمات الحلوه

شكرا لك على
النقل الجميل والأختيارالراقي
ولك شكري وتقديري
دمت بوود ,,,,

شكرا تسلم الايادي