عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا 
الرئيسيةالمواضيع الأخيرة
» Sondos
الأربعاء 28 أغسطس 2024, 07:35
» Sondos
الأربعاء 28 أغسطس 2024, 01:17
» Sondos
الثلاثاء 27 أغسطس 2024, 23:02
» Sondos
الثلاثاء 27 أغسطس 2024, 04:44
» Sondos
الثلاثاء 27 أغسطس 2024, 01:06
» Sondos
الإثنين 26 أغسطس 2024, 20:57
» Sondos
الأحد 25 أغسطس 2024, 23:20
» Sondos
الأحد 25 أغسطس 2024, 19:57
» Sondos
الثلاثاء 20 أغسطس 2024, 22:17
» Sondos
الإثنين 19 أغسطس 2024, 17:59
المواضيع الأكثر نشاطاً
عندك عزومة في رمضان ادخلى بسرعة اقلك تعملى ايه
عندك عزومة في رمضان ادخلى بسرعة اقلك تعملى ايه
من طرف GeeGee الثلاثاء 09 أغسطس 2011, 22:40
عندك عزومة فى رمضان وبسرعة طيب هتعملى ايه ؟
كل سنة وأنت طيبة رمضان شهر الخير كله، وأكيد كل
البيوت دلوقتي أعلنت حالة الطوارئ استعدادا للشهر الكريم...
وطبعا ممكن ما تكونيش عارفة تعملي إيه؟
وتشتري إيه؟
وإيه الحاجات اللي بيتك محتاج لها!!
وإيه اللي مش محتاج لها!!!
وإزاي تحتفظي بالخضروات والفاكهة واللحوم عندك لأطول فترة ممكنة؟
لأن زي ما أنت عارفة إن رمضان وقته ضيق جدًّا ومحتاج إنك تكوني منظمة نفسك ومرتبة كل حاجة كويس قوي قبل ما ييجي...
علشان كل الأسباب دي قررنا النهارده إننا نكون معاكي في العدد الخاص جدا
جدا ده علشان نساعدك بأفكارنا ومقترحاتنا ونقولك إزاي تستقبلي الشهر الكريم
وإنت أعصابك هادية جدا جدا جدا
تعالى نجهز مع بعض طلبات رمضان
شوفي يا قمر فيه شوية طقوس بسيطة لازم تعمليها وهي...
-1-
هاتِ ورقة وقلم واعملي جرد للمطبخ
أول حاجة المفروض تعمليها إنك تجيبي ورقة وقلم وتدخلي المطبخ علشان تبدئي
في فحص كل حاجة موجودة عندك وتشوفي أنت ناقصك إيه؟! وتكتبيه في الورقة
علشان ما تنسيش...
وخدي بالك إن فيه حاجات أساسية لازم تكون موجودة في مطبخ أي بيت والحاجات
الأساسية دي زي "السكر والشاي والمكرونة والأرز والسمنة والزيت... وغيرها
من الحاجات اللي بيطلق عليها تموين للبيت.
ويا ريت تعملي حسابك إنك تكتري شوية صغيرين من الكمية اللي هتجيبيها فمثلا
لو كنت بتسخدمي 3 علب زيت في الشهر يبقي اكتبي في الورقة دي إنك محتاجة 5
وده لأن زي ما إنت عارفة إن استهلاك البيت بيزيد شوية في رمضان علشان العزومات كل سنة وأنت طيبة..
كرري نفس الموضوع مع باقي احتياجاتك اللي محتاجة لها وده علشان ما تتعرضيش
لأي موقف مش لطيف زي مثلا إنك وأنت بتعملي الأكل وفاضل خلاص ساعات والمدفع
يضرب تلاقي إنك ماعندكيش زيت ومضطرة إنك توقفي عمل باقي الأكل على بال ما
تلاقي حد يجيب لك اللي أنت عايزاه...
موقف زي ده بيبقى مش لطيف خاصة لو كان عندك عزومة وعايزة تخلصي بدري.
-2-
اعملي فنجان شاي واقعدي مع نفسك
بعد ما تعملي الفحص لمطبخك وتلاجتك اخرجي من المطبخ واعملي فنجان شاي
واقعدي مع نفسك وفكّري مع نفسك تاني واكتبي الحاجات التانية اللي أنت
محتاجة لها واللي بتكون خاصة بشهر رمضان زي الياميش ولوازم رمضان...
كمان اكتبي في الورقة دي لستة بأسماء الخضروات والفاكهة واللحوم اللي أنت
محتاجة لها في رمضان... علشان لما تنزلي تشتري تبقي عارفة إنت محتاجة إيه
ومش محتاجة إيه.
-3-
أحسبيها مع نفسك
بعد كده احسبي بينك وبين نفسك وشوفي إذا كان المبلغ اللي معاكي هيكفي الحاجات اللي إنت كاتباها في الورقة ولا لأ!!
لو هيكفي يبقى خير وبركة.. لكن لو لقتيه مش هيكفي يبقي ابدئي في عمل فلترة لكل الحاجات اللي أنت كاتباها على أساس الأهم في المهم..
فممكن مثلا تستغني عن الحاجات اللي مش ضرورية أو ممكن يكون عندك زيها
في البيت بس بكمية صغيرة ممكن تكفيكِ لمدة أسبوعين بس اعملي في حسابك أنك
هتجيبيها قبل ما تخلص بمدة.
أو ممكن تشتري من كل حاجة حاجات بسيطة تكفيكِ لمدة أسبوع أو أسبوعين وتعملي
في حسابك إنك قبل الأسبوعين دول ما يخلصوا تكوني جايبة بدلهم..
وبكده تبقي أنت عرفتي إنت محتاجة إيه ومش محتاجة إيه وكمان حددتِ ميزانيتك اللي هتجيبي بيها.
وتعالي نروح السوق مع بعض ونشوف هتعملي إيه هناك
يالا بينا نروح مع بعض السوق
بعد ما جهزتي نفسك وكتبتي كل حاجة أنت عايزاها بالضبط دلوقتي ياللا بينا نروح على السوق ونشوف هتشتري ازاي؟
لو هتشتري طيور
لو هتشتريها صابحة من عند الفرارجي يبقى خدي بالك إن جلدها يكون متماسك
وكله لون واحد ومفيش عليه أي آثار للكدمات زي مثلا إن لونه يكون مزرقّ.
لكن لو هتشتري الطيور دي من عند السوبر ماركت أكيد طبعا هتكون مجمدة في
الحالة دي تاخدي بالك أن مايكونش فيها أي آثار للماء أو بلورات الثلج يعني
تكون متجمدة كويس وتاخديها وتروحي على البيت على طوول وتحطيها في الفريزر
علشان ما تديش فرصة إن التلج بتاعها يفكّ.
بس نصيحة بيني وبينك كده الطيور الطازجة أحسن مية مرة من الطيور المجمدة.
لو هتشتري لحمة
لازم تكون من عند جزار إنت واثقة منه علشان تتأكدي إن اللحمة دي كويسة.
وخدي بالك إن لون اللحمة يكون وردي قاتم وابعدي نهائيا عن اللحمة اللي لونها مائل إلى الرمادي أو المبللة لأن دي بتبقى لحمة فاسدة.
لو هتشتري سمك
السمك سواء اللي بيعيش في الميه المالحة أو العذبة لازم يكون عيونه لامعة
ممتلئة ورطبة وخياشيم السمكة نظيفة ولونها أحمر وما يكونش عليها أي أثر
لمادة لزجة وجلد السمكة يكون بيلمع وألوانه واضحة ومفيش فيه أي خدوش.
لكن لو كنتي هتشتري سمك فيليه يبقى خليكي شاطرة واشتري السمكة كاملة وبعد كده خلي اللي بيبيع يقطعها لك.
لو هتشتري خضروات أو فاكهة
يبقى يا ريت برضه تشتري الخضروات والفاكهة الطازجة ودي هتعرفيها من لونها بإنه يكون زاهي.
لو هتشتري حاجات معلبة أو مجففة
لو هتشتري حاجات معلبة أو مجففة زي "التين المجفف أو المشمش المجفف" يبقى
يا ريت تشوفي تاريخ الصلاحية والانتهاء اللي بيكون مكتوب على العلبة وكمان
خدي بالك إن العلبة تكون مقفولة وسليمة.
وعلى فكرة فيه أكتر من سوبر ماركت بينزلوا تخفيضات كويسة وأسعار كويسة بمناسبة رمضان
ممكن تعرفي الأماكن بتاعتها وتروحي تشتري منها وأهو منها توفري فلوسك
ومنها تضمني حاجة كويسة وتشتري كل طلباتك من مكان واحد موثوق فيه..
وبكده يبقى إحنا اشترينا كل حاجة وتعالي دلوقتي نروح البيت ونشوف هنعمل إيه؟!
يالا بينا على البيت
بعد ما رجعتي البيت دخّلي الحاجات اللي جبيتها المطبخ وغيّري هدومك وهاتي
مجموعة من الأكياس البلاستيك النايلون بس خدي بالك إن الأكياس دي تكون
ناشفة ونظيفة جدا وكمان هاتي ورقة وقلم وسلوتيب وده علشان تكتبي على كل كيس
اسم اللي موجود جواه وتلزقيه بالسلوتيب.
ودلوقتي جه الوقت اللي هنشوف فيه إزاي نخزن كل حاجة من الحاجات اللي أنت جبتيها دي... لأن كل حاجة ليها طريقة معينة في التخزين...
نشوف مع بعض
بالنسبة للطيور
شيليها من الكيس بسرعة وابدئي في تنظيفها وده بأنك تغسيلها من جوه ومن بره
وتشيلي أي آثار للريش أو أي دم موجود عليها وبعد كده تحطيها في طبق كبير
وتدعكيها كويس بالملح من جوه ومن بره وتعصري عليها نص ليمونة وتسبيها لمدة
نص ساعة وبعد كده تغسليها كويس تاني بالميه من الملح والليمون وتحطيها في
مصفاة علشان تصفي الميه كويس وبعد كده هاتي كيس بلاستيك ناشف وحطيها فيه
وفرغي منه الهواء واقفليه كويس وحطيه على طول في الفريزر.
بالنسبة للحمة
طلعيها من الكيس البلاستيك وبعد كده حطيها في حلة وحطيها في التلاجة على
الرف اللي تحت الفريزر لمدة أربع ساعات وبعد كده هاتي كيس بلاستيك ناشف
وحطيها فيه وفرغي أي هواء في الكيس واقفليه كويس وشيليه في الفريزر.. نفس
الشيء ده هتعمليه مع اللحمة المفرومة.
بالنسبة للسمك
بعد ما تروحي البيت على طوول طلعي السمك من الكيس بتاعه وابدئي في تنظيفه كويس.
ودي طريقة تنظيف السمك:
1. امسكي وسط السمكة وقشري جلدها باتجاه الرأس بسكين أو بحافة سكين غير حادة.
2. قصي الزعانف بواسطة مقص حاد. شقي جانب السمكة بسكين حادة كبيرة من أسفل
رأسها حتى بداية ذيلها وتأكدي من أنها قد شقت جيداً من الداخل شيلي الأمعاء
ونظفي بطن السمكة كويس.
3. بعد كده ابدئي في تنظيف السمك بالميه الباردة وبأكد بالميه الباردة وبعد
كده حطيه في مصفاة وسيبيه علشان يصفي ميته وحطيه في كيس بلاستيك ناشف
وشيليه في الفريزر.
بالنسبة للخضروات والفاكهة
الخضروات الورقية زي "النعناع والبقدونس والشبت والكزبرة والجرجير
أحسن طريقة لحفظ الخضروات الورقية في الثلاجة طازجة لأطول فترة ممكنة هي
إنك تلفيها في فوطة نظيفة وبعد كده تحطيها في كيس بلاستيك وتحطيها في
التلاجة.
الطماطم
لو كانت الطماطم طرية يبقى اغسليها كويس وبعد كده قطعيها واضربيها في
الخلاط لغاية ما تبقى عصير بعد كده صفيها وحطيها في أكياس نايلون ناشفة
وحطيها في الفريزر لحين الاستخدام.
لكن لو كانت الطماطم جامدة يبقى حطيها في مصفاه وحطيها في التلاجة زي ما هي.
الفلفل والقرنبيط والجزر
ممكن تشيلي الفلفل الرومي بالتجميد عن طريق إنك تغسليه وتقطعيه شرائح طويلة
أو مكعبات، وتحطيه في أكياس نايلون وبعد كده تحطيها في الفريزر، ونفس
الشيء ده هتعمليه مع القرنبيط والجزر.
البامية
هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها....
بعد كده هاتي السكينة وابدئي في تقميع البامية بإنك تشيلي الجزء العلوي
منها بشكل هرمي واوعي تقطعيها من النص أو من الطرف لأن ده ممكن يخليها تنزل
العصارة اللي فيها.
بعد كده اغلي ميه وحطي عليها نصف ليمونة ومعلقة ملح بعد كده حطي فيها
البامية لمدة خمس دقائق وبعد كده شيليها من الميه المغلية، وحطيها في مصفاة
وافتحي عليها الحنفية بميه باردة بعد كده سيبيها شوية علشان تصفي الميه
اللي فيها...
بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية
بس خدي بالك وإنتي بتحطيها إنك تفرغي الكيس من أي هواء بعد كده اقفلي
الكيس كويس وحطيه في الفريزر..
البسلة والفاصولياء
هاتي البسلة وفصصيها واغسليها كويس وحطيها في المصفاة.
بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه
تغلي على النار بعد ما تغلي ضيفي إليها البسلة وسيبيها لمدة 5 دقائق بعد
كده حطيها في المصفاة واغسليها على طول بميه باردة من الحنفية وده علشان
تحافظي على لونها الأخضر وعلى القيمة الغذائية اللي فيها.
بعد كده سيبيها شوية علشان تصفي الميه اللي فيها...
بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة
بس خدي بالك وإنتي بتحطيها إنك تفرغي الكيس من أي هواء، بعد كده اقفلي
الكيس كويس وحطيه في الفريزر... ونفس الشيء مع الفاصولياء..
ورق العنب
هاتي ورق العنب واغسليه كويس وبعد كده حطيه في ميه مغلية لمدة 3 دقائق
وشيليه منها وحطيه في مصفاة يصفي ميته ويبرد بعد كده لفيه في فوطة ناشفة
وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد
كده حطيه في الفريرز.
الملوخية
هاتي الملوخية وقطفيها واغسليها كويس وحطيها في مصفاة علشان تصفي ميتها
كويس وبعد كده خرّطيها وحطّيها في أكياس نايلون ناشفة وحطيها في الفريزر.
البصل والثوم والبطاطس
مش محتاجين إنك تحطيهم في التلاجة لأنك ممكن تحطيهم في مصفاة وتحطيهم في أي زاوية من زوايا المطبخ..
الفاكهة
من الممكن إنك تغسليها وتنشفيها كويس وبعد كده تحطيها في كيس بلاستيك ناشف وتحطيها في الثلاجة أو الفريزر..
أو ممكن تعمليها عصير وتحطيها في الفريزر.
بالنسبة للبهارات والتوابل
يا ريت تحتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.
علشان كده يا ريت ما تخزنيش الأعشاب والبهارات الجافة بالقرب من أفران
الغاز أو المايكروويف أو أي مصدر للحرارة أو الرطوبة زي أجهزة غسل الصحون
وغلايات الماء.
وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين.
وبالنسية للحبوب زي الفول والعدس
ممكن تحطيها في أكياس بلاستيك وتقفليها كويس ودخليها التلاجة..
بالنسبة لياميش رمضان والمكسرات
بالنسبة لياميش المشمشية والتين المجفف والمكسرات ممكن تحيطهم في أكياس وتحطيهم في التلاجة.
بالنسبة للجبنة القريش
ودي أكيد كلنا بنحبها في رمضان وأحسن طريقة علشان تحافظي على الجبنة
القريش في التلاجة أكبر فترة هي إنك تحطيها في لبن بارد ومعاها قرن فلفل
أخضر حامي.
أو إنك تغلي كوباية ميه وبعد كده تسيبيها لغاية ما تبرد وبعد كده تضيفي إليها شوية ملح وتحطي فيها الجبنة وقرن شطة أخضر حامي.
وبكده تبقي إنت جهزتي كل حاجة عندك في البيت
وتستقبلي رمضان وأنت أعصابك مستريحة
| |
GeeGee- المديرة العامة النائبة الاولى
- تاريخ التسجيل : 17/04/2010
رد: عندك عزومة في رمضان ادخلى بسرعة اقلك تعملى ايه
من طرف بسمة الأربعاء 10 أغسطس 2011, 15:24
ا شاء الله
موضوع جميـــل و وصفة رائعـــة
يعطيك ألف صحة وعافية
وجزاك الله خيرا
موضوع جميـــل و وصفة رائعـــة
يعطيك ألف صحة وعافية
وجزاك الله خيرا
| |
بسمة- مديرة منتدى
- تاريخ التسجيل : 28/01/2011
الموقع : http://3alami.hooxs.com/forum
رد: عندك عزومة في رمضان ادخلى بسرعة اقلك تعملى ايه
من طرف بسبوسة الأربعاء 10 أغسطس 2011, 17:47
شكرا على الوصفة الجميلة
| |
بسبوسة- عضو فعال
- تاريخ التسجيل : 12/07/2011
رد: عندك عزومة في رمضان ادخلى بسرعة اقلك تعملى ايه
من طرف بسمة امل الأربعاء 10 أغسطس 2011, 18:17
السلآم عليكم ورحمة الله وبركآته
يسلمو ع المجهود القيم,’, والمعلومآت الرآئعة
وأتمنى الاستمرآر ,’, والمشآركة الدآئمة معنآ
بالتوفيق
يسلمو ع المجهود القيم,’, والمعلومآت الرآئعة
وأتمنى الاستمرآر ,’, والمشآركة الدآئمة معنآ
بالتوفيق
| |
بسمة امل- مشرفة
- تاريخ التسجيل : 07/07/2009
رد: عندك عزومة في رمضان ادخلى بسرعة اقلك تعملى ايه
من طرف ابو المجد الجمعة 12 أغسطس 2011, 15:06
تسلم الايادي
وربي يعطيك العافية
وربي يعطيك العافية
| |
ابو المجد- المدير العام
- تاريخ التسجيل : 20/04/2009
العمل/الترفيه : تقني
الموقع : المغرب
رد: عندك عزومة في رمضان ادخلى بسرعة اقلك تعملى ايه
من طرف wisam الجمعة 12 أغسطس 2011, 21:47
بارك الله فيكِ
سلمت يداكِ
سلمت يداكِ
| |
wisam- عضو فعال
- تاريخ التسجيل : 10/07/2009
رد: عندك عزومة في رمضان ادخلى بسرعة اقلك تعملى ايه
من طرف قطر الندى الجمعة 12 أغسطس 2011, 23:39
السلام عليكم ورحمة الله وبركاتة
دومك رائعه مبدعه
بارك الله فيك
يعود عليك رمضان بكل الخير
اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..
دومك رائعه مبدعه
بارك الله فيك
يعود عليك رمضان بكل الخير
اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..
| |
قطر الندى- نائبة المدير
- تاريخ التسجيل : 07/07/2011
مواضيع مماثلة» تعملى ايه لو عندك عزومة
» عروسة جديدة عاملة عزومة طب ادخلى
» نصائح عشان تعملى تسمير البشره "تان"
» لو انتى عروسة..ادخلى اختارى فستانك
» سحوركم في رمضان فول مدمس كتالوج كامل رمضان كريم
» عروسة جديدة عاملة عزومة طب ادخلى
» نصائح عشان تعملى تسمير البشره "تان"
» لو انتى عروسة..ادخلى اختارى فستانك
» سحوركم في رمضان فول مدمس كتالوج كامل رمضان كريم
إنشاء حساب أو تسجيل الدخول لتستطيع الرد
تحتاج إلى أن يكون عضوا لتستطيع الرد.
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
