اكلات مصرية* 100%*

اكلات مصرية* 100%*

فتة الكوارع




المقادير:
كوارع بقر واحد او اثنين حسب عدد الاسرة
ارز مصرى وكبشت شعرية بيدك انتى وتكسريةفى قدر
ملعقتان سمن بلدى
واحد كيلو طماطم
ملعقتين حمص حب ناشف وينقع هذا الحمص فى ماء مدة ربع ساعة
ملعقتان زيت
اربع فصوص ثوم
ملعقة كمون مطحون فقط
خمسة مكعبات ماجى
حبتان ليمون
خبز ابيض حسب عدد الاسرة
ملح
بهارات
فلفل اسود

الطريقة:
نغسل الكوارع جيد ونضعها فى قدر بة ماء كثير على النار لمدةاربع او خمس
ساعات
الى ان تنضج وكلما نقص الماء نازيدها
بعد نضج الكوارع نضع اربع مكعبات ماجى وشويت فلفل اسود ونتركها على
النار
عشرة
دقائق
بعد ذلك نضع السمن ومعة الشعرية على النار الى ان تحمر ثم نضع الرز
المصرى
ويشوح مع الشعريةشوية ونضع الملح
ونقلبة
جيد ثم نضع الماءونتركة لينضج (واحب ان انبهة ان الرز حسب الكمية المطلوبة والحاجة )
بعد ذلك نضع الثوم فى الهون(النجر) ومعة الكمون وشويت ملح وندقة جيد
نضع الزيت فى قدرعلى النار ومعة خلطة الثوم والكمون الى ان يصفر ثم نضع
الطماطم بعد طحنهاوشويت فلفل اسود وبهار والحمص ونزيدها كوب ماء لينضج
الحمص
ونضع مكعب الماجى ونترك الصلصة تتسبك شوية ونضع الكوارع فى
الصلصة
ونتركها خمس دقائق
نقطع الخبز فى صحن كبير ونغمسة بمرق الكوارع الى ان يتشرب المرق ويطرا
ونضع فوقة الرز ونغطىالخبز بالرز ثم الصلصة والكوارع بعدذلك ونعصر الليمون
فوق الكوارع

محشي الكرنب



المقادير:
1- كرنبه متوسطه الحجم
2- 1\2 كيلو طماطم
3- واحد كيلو رز
4- بقدونس وكسبره وشبت (زى ما تحبى)
5-بهارات المحشى(بقدونس وشطه حمراء وبهارات تانيه للمحشى)
مــــــــــــــــلاحظه ممكن تحطي نعناع ناشف ناعم علي الخلطه طعمه جميل جدا.
6- زبده (ولو عندك قشطه كمان)
7- شوربه(ويا سلام لو يكون بط او فراخ)
الطريق:
يسلق ورق الكرنب بعد فصله (بس متسلقهوش اوى)
2-يقطع البصل ويحمر بالسمنه والزيت وبعدين تحطى عليه الطماطم بعد ما تعصر فى الخلاط وتيرك على النار حتى تسبك
3-يوضع الرز على الخلطه السابقه ويقطع البقدونس والكسبره والشبت ويوضع وتوضع البهارات والملح والقشه (لو وجدت)
4-يقطع ورق الكرنب مربعات - ويوضع فى بدايه كل مربع الخلطه السابقه ويلف باحكام
ويرس فى الاناء
وبعد ما تمليه ترشى عليه الشوربه بحيث تغطيه وفوقه سمن وتعلى عليه النار لحد ما يشرب الشوربه الى فوقه
وبعدين توطى عليه النار - لحد ما يشرب الشوربه كلها

الرقاق باللحمه المفرومه:
(الاممة)






المقادير:-12 قطعه رقاق.
-1كيلو لحمه مفروم احمر.
-2بصله متوسطه مفرومه جيدا.
-ملح وفلفل اسمر حسب المذاق (2ملعه ملح صغيره,1ملعقه فلفل اسمر صغنونه برده).
-1ملعقه سمن بلدي او زبده صفراء كبيره +3ملعق زيت زره او عباد الشمس.
-1 ليتر شوربه ساخنه اي نوع شوربه.
>>>>صنيه مستديره لعمل الرقاق.

الطريقه بئي ايييييييه:
-الاول نعمل اللحمه المفرومه تتعصج وهقول ازاي نجيب البصله المفرومه تتزلها علي ملعقه سمن بلدي كبيره حتي تصبح لونها اصفر دهبي كده ماشي ونجيب كيلو اللحمه ونعد نقلب فيها ونحط الملح والفلفل معاها وبعدين ايه بئي يا حلوين نسيبها لحد متسوتي بتاع ربع ساعه بس .

--نجيب الصينية اللي هانعمل فيها الرقاق وندهنها بالسمن
-نسخن نوع الشوربه الموجود عندنا
-نمسك الرقاق و نغطس أول واحد في الشوربه من غير ما تلين و نحطها في الصينية و ندهنها بالسمنة أو نقطع عليها قطع صغيرة من الزبدة و بعدين نعمل طبقات تانية من الرقاق بنفس الطريقة حوالي 6طبقات و نفرد فوقه طبقة من اللحم المعصج و بعدين نحط فوقه طبقات تانية من الرقاق بنفس الطريقة ( نسقيه بالمرقة و نحطه و بعدين ندهنه بالسمنة) لحد ما نعمل برده 6 طبقات و ندهن الوش بالسمنة جيدا
-ندخله فرن متوسط الحرارة لحد ما يبقى دهبي .

الكرشة والممبار




اهم شئ التنظيف ثم التظيف ثم التنظيف وقبل التنضيف تجيبيها من جزار تعرفيه كويس
لازم اولا يتنظفو كويس انا شخصيا اى حاجة لونها مش ابيض بشيلها هههههه
الكرشة:
تتنظف ثم تتنضف وبعدين ندعكها بلمون وملح وخل ونشطفها كويس
وبعدين نحطها فى حلة وحليها بصل وتوم وملح وتوابل وصلصة طماطم وعصير طماطم ونسيبها على النار لغاية ما هى تنزل الميه بتاعتها الافضل تقلبى البصل و بعدين التوم وبعدين الكرشة تقلبيها معاهم على النار شوية وبعدين زودى الطماطم وسيبيها شوية وبعدين زودى ميه حسب الحاجة

الممبار بقى بموووووووت فيه
بس برضه اشتريه من حد تعرفيه " بيتهيالى كل الناس فى مصر كل عيله ليها الجزار اللى بتثق فيه"
وبعدين اغسليه بمية واقلبيه وشيلى بالسكين بس برفق عشان ميتقطعش اى شئ جواه "الجزء الاصفر" وادعكيه طبعا بلمون وملح وخليه فى اللمون شوية
وبعدين قطعيه حسب ما تحبي انا بحب اعمله قطع صغيرة عشان تتاكل على طول او ممكن تعمليه قطع كبيرة وتقطعيه عند التقديم
وتجيبى الخلطة فى ناس بتستعمل خلطة المحشى العادية "رز وصلصة و بقدونس "
بس انا بحب اعمله برز وبعدين نص الطماطم عصير والنص التانى مقطع قطع صغيرة جدا جدا وطبعا بقدونس وتوابل " كدة اخف لانه هيتقلى كمان مش يبقى مقلى ومسبك مع بعض كتير ههههه"
وبعدين تفتحتى الممبار وتحشيه ثبتى طرف من الممبار على الصينية اللى فيها الرز وامسكى الطرف التانى بايديكى الاتنين وافتحيه وبعدين دخللى الرز باطراف اصابعك
لا تحشيه للاخر واتركى مسافة لنضج الارز
وبعدين تحطى ميه على النار تغلى وتحطى فيها الممبار واحدة واحدة ووطى النار حتى لا ينفجر و هتلاقيه انكمش وبعدين لما اتحسى الرز نضج ممكن تختبريه بسكين بس كونى حريصة جدا
وبعد النضج طلعيه فى مصفاه ثم حمريه فى الزيت وبالهنا و الشفا

القرنبيط المقلى:


نقطع زهور القرنبيط
ونسلقه فى ماء ساخن نصف سلق
وبعدين نحضر الخلطة اللى هى " لبن ، بيضه، ملعقتين دقيق، ملح ، توابل، بقدونس " ونضع القرنبيط فى الخلطة ثم نقليه فى زيت حاااااار وعميق
وممكن عمل نفس الخلطة للبطاطس
وممكن عمل القرنبيط فى الفرن نحط القرنبيط بعد سلقه فى صينية ثم نضع نفس الخلطة فوقه وندخله الفرن بس المقلى افضل طبعا فى الطعم


(المسقعة)





اكلة مصرية شهية جدا ممكن تقدم مع خبز بلدي او شامي او حتى فينو ( صامولي )

وممكن ايضا مع أرز مصري أبيض ..
مفيدة وقيمة غذائية عالية .. ولذيذة جدا ..


المقادير :
كيلو باذنجان رومى
ربع كيلو فلفل أخضر
نصف كيلو طماطم
ملح، فلفل أسود , كمون , كزبرة جافة

ثوم
خل
( ربع كيلو لحم مفروم معصجة حسب الرغبة )


الطريقة :
نقشر الباذنجان ونقطعه حلقات ونحمره في الزيت حتى يصير لونها ذهبي داكن , ونحمر أيضاً الفلفل الأخضر مع ترك فلفلتين مقعطين على جنب بدون تحمير ..
نصفيهم من الزيت ونتركهم.
تقطع الطماطم قطعا مثل قطع السلطة المكعبات الصغيرة ..
نهرس الثوم ونحمره فى طاسة القلي مع قليل من زيت الذرة , ثم نضيف له قطع الفلفل المتبقية وتقلب معه نصف دقيقة , ثم يطش بالخل مع وضع الملح والتوابل عليه , ثم تضاف قطع الطماطم وتترك من ثلاث دقائق الى خمس دقائق حتى تدبل قليلا ..
ثم نوزعها على الباذنجان والفلفل المقلي في سيرفيز التقديم
ولا مانع من رشة بقدونش مفري للتزيين
يمكن اضافة اللحمة المفرومة المعصجة وادخالها الفرن تحمر قليلا او حسب الرغبة
الحمام بالفريك




المقادير:

زوج حمام مغسول و مجهز
بصلة مفرومة وبصلة سليمة
ملعقة سمن
ثلاثة أرباع فنجان فريك
ملح وفلفل
حبهان و قرفة
كبدة – قوانص مقطع

الطريقة

-تحمر البصلة المفرومة في السمن حتى تصفر ثم تتبل و يضاف الفريك و الكبد و القوانص و تتبل ثم تقلب على النار ثم ترفع
-يحشى الحمام من الحوصلة و الجوف ثم يخاط أو يغلق باستعمال أعواد الأسنان
-يسلق في كمية مناسبة من الماء مع البصلة و حبتان من الحبهان و ملح و فلفل حتى النضج
-ينشل من الماء و يحمر في القليل من السمن ثم يفك الخيط و يزال عود السنان و يقدم مجملا بالبقدونس

ملحوظة: يمكن استبدال الفريك بالأرز

طاجن البطاطس بلحم الضأن





المقادير:

- كيلو جرامان بطاطس مقطعة مكعبات

- مكعبات من لحم الضأن بالعظام

- 2 بصلة كبيرة مقطعة حلقات

- ملح وفلفل اسود وجوزة الطيب

- ملعقة متوسطة سمن

- ثلاث ملاعق متوسطة صلصة طماطم

الطريقة:

-يغسل اللحم جيدا ويتبل بالملح والفلفل الأسود وجوزة الطيب وقطرات من الخل الاحمر لتفكيك أنسجته وسرعة نضجة لإحتوائه على العظام

-يقلب البصل فى السمن ويضاف اليه لتر ماء ومعجون الطماطم و اللحم ويترك حتى ينضج ثلاثة أرباع نضج
-تقطع البطاطس الى مكعبات وتغسل وتضاف للحم
-تترك على نار متوسطة حتى يتم النضج



طاجن الأرز المعمر





المقادير :
كوب من الأرز المنقى ومغسول / 2 كوب لبن / 2 ملعقة سمن / ملح / فلفل / ملعقة قشدة للوجه

الطريقة :
· يدهن طاجن فخار أو صينية دهنا جيدا بالسمن .
· يوضع الأرز فى الطاجن و يصب فوقه اللبن المتبل بالملح و الفلفل و يزج فى فرن متوسط الحرارة حتى يقرب من النضج .
· توزع ملعقة القشدة على السطح و يعاد الطاجن للفرن حتى يتم نضجه و يحمر وجهه و يقدم ..
المكرونه بالبشاميل






المقادير
كيس مكرونه اقلام - نصف كيلو لحم معصج مع بصله صغيره وملعقة صلصه - كيلوونصف لبن 3ملاعق دقيق
3ملاعق سمن 2بيضه ملح فلفل بهار
الطريقه
تسلق المكرونه فى ماء كثير مع وضع ملح وملعقه زيت مهما كانت المكرونه جيده لازم الزيت علشان متعجنش
بعد ما تستوى تصفى فى المصفى وتغسل بالماء البارد
نعمل البشاميل
نسخن السمن ويوضع فيه الدقيق ويحمر على شرط الا يتغير لونه يوضع اللبن ويقلب وطبعا نضبط الملح ونقلب الى ان تصبح كريميه الملمس اول ما يبرد نضع البيض والفلفل ونقلب
ندهن الصنيه بالسمن ونضع طبقه بشاميل ثم طبقه مكرونه ثم العصاج ثم باقى المكرونه ثم البشاميل
نضعها فى فرن متوسط الحراره وتترك الى ان تحمر وتنضج

طاجن البامية باالحم الضانى



/2 ك بامية رومى اوى بلدى او كيس بامية مجمدة
4 حبات طماطم فى الخلاط
3 ملاعق صغيرة ملح
فلفل اسود
ثوم
بصلة مفرومة
زبدة 3ملعقة كبيرة
لحم ضانى او كندوز
الطريقة
يحمر البصلة فى الزبدة الى ان تصبح بيضاء ثم يضاف اليها اللحم الى ان يتغير لونه ىدون ان يحمر
ثم تضاف الطماطم المصفاة وكل شوية تضعى ماء ساخن الى ان يتم نضج اللحم
بعد ذلك نضع البامية والملح الى ان تنضج ثم نهرس 3 فصوص ثوم ونضع عليهم الفلفل الاسود

ونضعها على البامية وبعد 3 دقائق نغلق النار

على فكرة اللى حاتعمل الطريقة دى حاتدعيلى لانها بتخلى البامية تجنن
وانا كمان مع الطماطم بحط قرن فلفل اخضر حار عشان تكون حامية
الأرز بالكـــــــــارى






الطريقة :

·تضاف ملقة كبيرة كارى إلى السمن و تقلب معها حتى يقدح السمن
·يضاف الأرز و يستكمل مثل الأرز الأبيض العادى
الأرز بالقرفــــة و الخضروات





المقادير :
مقدار من الأرز الأبيض الناضج ( الأرز المفلفل ) / 1 ملعقه كبيرة قرفة ناعمة / ¼ ك بسلة مسلوقة / 1 جزرة مقطعة مكعبات و مسلوقة ..

الطريقة :
يوضع فوق الأرز الناضج القرفة و الخضار و تقلب جيدا حتى يختلط الأرز بالقرفة و الخضار و يوضع فى قالب كيك و يقلب فى طبق التقديم و يجمل الطبق بترنشات الجزر
و بعض حبات البسلة المسلوقة و يقدم ...
أرز الســمك البــنى


المقادير :مقدار من أرز/ بصلة متوسطة و مفرية / زيت / ملح / فلفل أسود / كمون /فصين ثوم مفري

الطريقة :
·يقدح الزيت و يضاف إليه البصل المفرى و يحمر به حتى يصبح لونه بنى غامق
·يضاف الأرز و التوابل و الثوم و يقلب مع البصلة جيدا .
·يضاف الماء و يترك حتى يصل لدرجة الغليان ثم تهدأ النار و يترك حتى ينضج .

طريقة عمل البصارة بالصور




المقادير:كوب من الفول المقشر.
كوب من الملوخية الناشفة.
ملعقة ثوم مدقوق كبيرة.
1/4 كوب من زيت الزيتون.
ملعقة صغيرة من الملح.
ملعقة صغيرة من الكمون.
حزمة من البقدونس مفرومة ناعما.
ملعقة كبيرة من الكزبرة الناشفة.
بصلة كبيرة الحجم مفرومة ناعما.
1/2 كوب من الماء.التحضير:يغسل الفول جيدا و ينقع بالماء مدة ساعتين ثم يسلق في وعاء الضغط (برستو).
يطحن في خلاط كهربائي مع قليل من الماء بحسب الحاجة (على ان يبقى المزيج شديدا نوعا ما) ، ثم ، ويتابع الطهو حتى ينضج الكل.
يسخن الزيت و يقلى فيه الثوم و البصل و الكزبرة ،وينثر عليه الملح والكمون ثم يضاف الى مزيج الفول.
يقدم الطبق ساخنا.

ملاحظات:يشاع عن البصارة انها طبق مصري بينما في الاصل هي طبق اردني احبه المصريون.

ورق العنب


المقادير :

بصف كوب رز مصري
واحد بصل مقطع قطع صغيره جدا والاسهل وضعه في الفرامه
ملح + قليل من ملح الليمون + واحد ليمون حسب الرغبه
واحد طماطم مفروم
ورق العنب
قليل من الفلفل الاحمر والاسود


الطريقة :

اولا : نغسل الارز جيدا وونقعه في ماء حار لمدة نصف ساعه
ثانيا : نخلط جميع المقادير والارز ثم نبدا بحشوا ورق العنب نضع في القطر بطاطس مقطعه الى شرائح وفصين ثوم مقطه الى شرائح
ثم نرص ورق العنب من فوقه
وبعد الانتهاء نقطع طماطم الى شرائح ونرصه من فوق نضيف ماء بعد غليه مع الماجي بحيث نغطي الطبقه وتوضع على نار هادئه وتقدم ساخنه وبالعافيه
----
الكشك - المطبخ المصري




المقادير :

- 2 كوب شوربة ( فراخ – بط – أوز ) مضاف لها ملح وفلفل .
- 3 ملعقة دقيق .
- كوب كبير لبن .
- بصلة متوسطة .
- 2 ملعقة أرز.

الطريقة :

- ترفع الشوربة على النار وبعد غليانها يضاف الارز بعد غسيله .
- يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
- يستمر التقليب حتى يصبح القوام مناسباً .
- ثم يصب فى أطباق ويستخدم البصل المحمر للتجميل






المقادير:
1 أرنب – أو دجاجة كاملة
ملح
3 ملعقة كبيرة سمن بلدي
1 عبوة ملوخية
2/1 1 ملعقة كبيرة كزبرة – جافة و مطحونة
2/1 1 ملعقة كبيرة ثوم – مدقوق
الطريقة :
يغسل الأرنب أو الدجاجة جيدا. يسلق حتى ينضج. تصفى حوالي 3-4 أكواب من مرقة الأرنب أو الدجاج. يقطع الأرنب إلى 5 قطع و الدجاجة إلى 4 قطع.
تسخن ملعقتين سمن في طاسة متوسطة و تحمر قطع الأرنب أو الدجاجة على الجانبين حتى تصبح ذهبية اللون.
تسخن المرقة في إناء متوسط حتى تغلي. تضاف نصف ملعقة كبيرة كسبرة ونصف ملعقة كبيرة ثوم . تخفض النار وتضاف الملوخية وتترك لتغلى لمرة واحدة وهى غير مغطاة. يمكن إضافة المزيد من المرقة إذا كان قوام الملوخية كثيف.
أثناء غليان الملوخية ، تسخن ملعقة سمن فى طاسة صغيرة و تضاف ملعقة كسبرة وملعقة ثوم وتحمرحتى يصير اللون بنى فاتح. تضاف محتويات الطاسة الى الاناء فورا ولا تقلب . يرفع الإناء عن النار و يغطى جزئيا لمدة دقيقتين.
تقلب الملوخية قبل تقديمها مباشرة. تقدم في وعاء و يقدم الأرنب و الدجاجة في طبق.
ملاحظات
فى حالة الملوخية الخضراء،تغسل جيدا تحت الماء الجارى ثم توضع على فوطة نظيفة حتى تمتص المياه منها.تقطف الملوخية وتخرط بالمخرطة أو تفرم فى الكبة حتى تصبح ناعمة.تتبع باقى الخطوات كما هى.
يجب عدم ترك الملوخية لفترة طويلة بعد رفعها عن النار لحين تحضير دقة الكسبرة و الثوم بل يجب عملها أثناء غليان الملوخية ثم سكبها فورا على الملوخية.
يتم رفع الملوخية من على النار قبل أن تفور , ويجب الإستمرار في التقليب طوال فترة الغليان.

بارك الله فيك
شكرا على الموضوع الجميل
تسلم الايادي المبدعة
تحياتي

مشكوووووووووووووووور على مرورك

مـآشآء الله موضوع في القمة
وصفات طيبة وشهية تسلم الايادي
واصلوا التالق والابداع لرقي المنتدى
بانتظار جديدكم الرائع
تحياتي لكم
ابو المجد

تـوآجدك الرائــع ونــظره منك لموآضيعي هو الأبداع بــنفسه ..

يــســعدني ويــشرفني مروورك الحاار وردك وكلمااتك الأرووع

لاعــدمت الطلــّـه الـعطرهـ