ازيك ياريس وازيى الحكومه

ازيك ياريس وازيى الحكومه




ازيك ياريس
وازيى الحكومه
شعبك مهييس
واوعوا تلومونا
مصهلل
متيس
وواخد صابونه
منك ياريس






ازيك ياريس
وازيى الحكومه
فى عهدك ياريس احنا انتهينا
وتوهنا فى بلدنا ماحنا اتعمينا
سرقنا وشحتنا واتمدت ايدينا
كرهنا الدنيا ودارت علينا





ازيك ياريس

وازيى الحكومه

صبرنا ياريس لحد الكفايه

وقولنا نسايس لحد النهايه

ونحلم ببكرة ونعمل بدايه

وحكومتك ياريس تالف حكايه

ونحزن وبكى ياريس كفااايه







ازيك ياريس
وازيى الحكومه
عايزين من الشعب ايه عرفونا
يمكن ننفض ونعصر لمونه
خنقتونا وموتونا وكفرتونا
تعرف ياريس
ناقص تاكلونا






ازيك ياريس
وازيى الحكومه
عايزين نحلم ببكرة
ونعمل انجاز
بدل مانموت فى روحنا
ونولع فى نفوسنا بجاز
سمعنا عن بترول وفحم وغاز
درسنا الحضارة وعظمه الفراعنه
خوفو وخفرع وكليوبترا
وقرينا حكايات
فاكرها ياريس
ول اللى فات مات ؟؟

اللى فات مات ؟
كويس كويس
ازيك ياريس






زيك ياريس
وازيى الحكومه
اعلامك ياريس تحت السيطرة
مسئولك ياريس مركب حنجرة
بيعرف يثبت ويعمل استرة
بيحلل نفاق وحبه منظرة
ووعود حكومه عايزة الصنفرة
دى الناس ياريس جيوبها ماشفرة
كان لازم ننفجر ونعبر عن ارادتنا
الخوف ياريس خانقنا مموتنا
وحب مصر بلدنا هو اللى مسكتنا
بس حكومه بلدنا واقفه فى سكتنا
خلالالاص شبعنا اااهات
واحنا نزلنا يوم التلات
علشان نضرب سلامات
ونبان معاك فى الصورة
ونقولك ازيك ياريس
وازيى الحكومه






الثلاثاء 25 1 2011

يوم الشعب المصرى

يوم الارادة


منقووووووووووووول من شاب بيحب مصر

حسنى مبارك
هو سفاح وقاتل ومجرم

ويوم ان يخرج ستظهر وثائق بالغة الخطورة لتؤكد مسئوليته عن تدمير الامة العربية ومصر

استاذى تحيه كبيره لك

والحمد لله على سلامتك

مشكوره حبيبتى ولكى بالمثل

شكرا على المرور

السلام عليكم ورحمة الله وبركاته

اللهم احفظ مصر وشعبها

اللهم اعنهم على ما فيه صلاحهم

اللهم ثبتهم وكن معهم ومع شبابهم

اللهم اعنهم على كل خير

اللهم كن لهم ولا تكن عليهم

ربي اجعلها بلدا آمنا مطمئنا

وجميع بلاد المسلمين

ربي ارزق اهلها من الخيرات يارب

ربي اعنهم على من عاداهم

وثبتهم ويسر لهم وفرج عنهم

اشكرك على المرور