احساس جديد

في ضحكتي أحساس جديد
حتي فى تنهيدة منى طلعة لكلمة هو قالها
بجد أحساس جديد


في رسمة قديمة رسمتها في كراسة في درجي
بقالها كتير متحنطة بس أنهاردا
أحساسي بيها أحساس جديد


في مكان كئيب
معاه بقي كأنه مكان جديد
فعلا معاه بقي لكل حاجة أحساس جديد


أحساس جديد جوا منى
حالةغريبة أنا عايشة فيها


سمعنى صوت لضحكتي
لونلى حروفي بالأمل
عرفني يعنى أيه ممكن تكون الحياة بعد الملل


أحساس جديد جوا منى
لونلى معالم دنيتي
زخرفلي الحياة وكأنها مرسومة علي ورق وبأيدة هو القلم


جوا مني أحساس جديد