الرزق مايجيك وانت نايم..

بسم الله الرحمن الرحيم
السلام عليكم ورحمة الله وبركاته


الرزق مايجيك وانت نايم..مشروع لمن يريد ان يستفيد..التجربه خير برهان


في البدايه نسأل الله ان يرزقنا ويرزقكم وجميع المسلمين بالحلال ويغنينا عن الحرام..
لاشك ان الجميع يبحث عن مصدر رزق او دخل اضافي اذا كان موظف..
ومن هذا المنطلق حبيت اعطيكم فكره عن مشروع لم اسمع بها ولكن جربتها على ارض الواقع والحمدلله الذي رزقني من واسع فضله...


القصه ومافيها اني موظف وراتبي ولله الحمد قريب من الـ 9000 ريال
ولكن للاسف مثلي مثل الاغلبيه من السعوديين مايجي 5 او 10 من الشهر الا الراتب (بح)
في يوم من الايام جلست افرك المخ وافكر ومن هنا ومن هنا ووصلت بالتفكير لـ الصين ثم رجعت للمدينه المنورة هع
وفي معمعة التفكير والهواجيس مر امام عيني عقلي الباطني سالفة مشروع المعدات الثقيله..
وبالتحديد الشاحنات(القلابات)..
وبالتحديد شاحنات نقل(الرمل الابيض-الحجاره-الرمل المغسول-خرسانه..ووو الخ)
وقررت اخوض التجربه ياتصيب ياتخيب
~ ~
المهم جلست احسب حساباتي على شان اعرف وش اللي (لي) واللي (علي)
وبديت الحسبه كالتالي::
1-قلاب(راس تريله+تيدر قلاب=صندوق)
2-سواق
3-شركه لتشغيل القلاب(تأجير)
~ ~
ثم جلست احسب كم احتاج فلوس على شان ابداء اول خطوه.
طلعت الحسبه كالتالي::
سعر القلاب كامل(راس+تيدر>>صندوق)=130 الف ريال كحد ادنى.
راتب السواق=4000 ريال كحد اعلى.
~ ~
من هنا ومن هنا وبتوفيق من الله حصلت قلاب (راس+تيدر>>صندوق)بسعر 150 الف ريال
وتوكلت على الله واشتريته ونقلت ملكيته باسمي..
وبنفس اليوم شغلت واسطاتي ودبرت لي سواق براتب 4000 ريال شهري.
وبعد يومين لقيت شركه يبحثون عن قلابات لتحميل الخرسانه(سعر الرد 150 ريال)
وعلى حسب نشاط السواق ممكن باليوم يجيب 4 ردود او 5 او 7 او اقل او اكثر
المهم ان الرد 150 ريال ونضرب 150 في عدد الردود باليوم..
طبعا السواق اللي عندي محدد له اقل شي يجيب لي 5 ردود باليوم واذا زود من شطارته


اذا 5 ردود (في) 150 ريال=750 ريال باليوم..


اذا 750 ريال (في)26 يوم(الشهر باستثناء ايام الجمعه)=19500 ريال شهرياً

طبعا الشركه دوامها من الساعه 4 فجراً وحتى الساعه 5 مساءاً(العصر)


الرزق مايجيك وانت نايم..مشروع لمن يريد ان يستفيد..التجربه خير برهان


طبعا الشركه دوامها من الساعه 4 فجراً وحتى الساعه 5 مساءاً(العصر)
الان المبلغ شهرياً 19500 ريال..
4000=راتب السواق
1300=بترول(ديزل)
650=بترول(زيت)
يطلع الصافي بعد خصم راتب السواق والديزل والزيت=13550 ريال.
~ ~
(طبعا الإيطارات سعر ارخص ايطار هو تقريبا 1300 ريال..ولكن تغييرها ماراح يكون شهريا..لان الايطارات تقريبا اقل مده لـ التغيير 6 شهور)على شان كذا مادخلتها بالحسبه الشهريه..
-----------------------------------------
نجي نحسب المبلغ سنويا::
13550 ريال (في) 12 شهر(طبعا الشهر 26 يوم بدون ايام الجمعة لانه اجازه للسواق والشركه)=162600 ريال(مائه واثنان وستون الف وستمائه ريال)
نخصم ايام العيد ومبلغ الايطارت::
حسبتها حسبه تقريبيه::
الصافي 150000 ريال(مائه وخمسون الف ريال)
..........
اذاً خلال سنه انا رجعت راس مالي اللي هو سعر (القلاب)
وهنا عاد كل شخص على حسب تفكيره..
اما تشتري قلاب ثاني ويكون داعم للقلاب الاول بالمبلغ اللي طلعته خلال سنه
او تستثمره بشي اخر..
الافضل تشتري قلاب اخر وبدال مايصير الدخل الشهري 13500 ريال
يصير الدخل من القلابين=27000 ريال شهرياً

وصلى الله وبارك على محمد..
=============================================
ملاحظات//
كل ماذكرته لكم والله عن تجربه وليس كلام يقال..
_________

الشركات تختلف فيه شركات تستاجر منك السياره وتلعب في حسبتها وترجعها لك سكراب ماتسوى نص هلله هع
_________


الرزق مايجيك وانت نايم..مشروع لمن يريد ان يستفيد..التجربه خير برهان


انتبه ثم انتبه ثم انتبه تسلم السياره للشركه بدون سواق
لان سواق الشركه ماهمه السياره (وجلد ماهو جلدك على الشوك جره)
افضل شي تأجير السياره وسواقها معها يعني سواق يخصك انت ياصاحب السياره..
_________

الشركات للامانه تحتاج واسطات ومعارف على شان يشغلون سيارتك هع
_________

تخيلوا ووالله اني صادق في كلامي بحكم علاقتي باحد الاخوان المشرفين على الشركه قال لي بالحرف الواحد اذا عندك سيارات هاتها واشغلها لك حتى لو عددها 20 سياره
والسبب في ذلك معرفتي بذلك الشخص..رغم انه رفض اكثر من قلاب لـ ناس يريدون التاجير هههههه
الشاهد (العلاقه والمعرفه مطلوبه ومهمه)

**************************************
طبعا انواع السيارات المطلوبه بالشركات(التيدر=الصندوق... وليس الراس) اكثر شي مطلوب هو اللي حجمه 26 و28 و32
من اجل تحميل اكبر حموله...
**************************************
ولكن افضل حجم تيدر(الصندوق)هو 24 لانه خفيف على الراس ومايحمل السياره فوق طاقتها..لكن الشركات شروطهم معقده هههههههههه
**************************************
بالنسبه لـ الراس حق التريله او القلاب او بالمسمى المعروف الشاحنه..فيه انواع كثيره منها القديمه ومنها الجديده..
القديمه اذا نظيفه افضل من الجديده لان الجديده اغلبها كهرباء وكمبيوتر واعطالها كثيره ومكلفه بالسعر..
اما القديمه تجد قوة التحمل فيها اكثر واعطالها قليله..
**************************************
طبعا فيه مواصفات مفضله للشاحنات كالتالي::
القير=العادي افضل من الكهرباء
السست افضل من المنافيخ
طبعا فيه شركات مثل (المان)و(ال بي)و(الاكتروس)و(البوز يطلقون عليه اسم 24)
الاربعه هي افضل الشركات تقريبا من وجهة نظري..
في المرتبه الاولى الـ مان ثم ال بي ثم الاكتروس ثم البوز..
البوز افضل للوايت ويفضلونه الشيبان هههههه لقوته وعشرة عمر معهم هههه
المهم..
الاكتروس مفضله للي يعشق الفخامه من الداخل تقل انها فياقرا
ولكن عيبها انها قريبه من الارض (خشتها شوي وتحك بالارض..وماتصلح للطرق الصحراويه الوعره)يعني بالعاميه حقت اسفلت هع+مشكلتها اغلبها كمبيوتر..

تصدقون دار راسي وانا اكتب
والمعذره مدري وين وصلت
لكن اي استفسار واقدر اساعدكم ابشروا
كلي اذان صاغيه هع

دمتم بخير..



اخوكـم

Ahmed Veko