سلطة البطاطا

المقادير:
* 4 ثمرات بطاطس متوسطة. * 4 حبات بطاطا صغيرة. * كوب وربع مايونيز . * 2 ملعقة كبيرة لبن. * ملعقة صغيرة كمون. * 1/ 2 ملعقة ملح . * ثمرة فلفل أحمر. * 1/ 2 كوب بصل أخضر مكعبات.

الطريقة:1- اغسلى البطاطس والبطاطا بالقشرة كويس أوى، وحطيهم فى حلة مع مية وغطيها، وحطيها على النار لحد ما تغلى.
2- قللى الحرارة وسيبيه على النار لمدة 20_ 25 دقيقة أو لحد ما البطاطا تستوى وشيليها من الحلة، لو البطاطس لسة ما استوتش سيبيها شوية لمدة 10_ 15 دقيقة، أو لحد ما تستوى.
3- سيبي البطاطس تبرد شوية وقشّريهم وقطعيهم مكعبات صغيرة.
4- امزجي المايونيز واللبن والكمون والملح، وحطى عليهم البطاطا والبطاطس والبصل والفلفل الأحمر، وقلبيهم بحرص.
5- ممكن تسيبيها فى التلاجة لمدة ساعتين قبل التقديم علشان تتبل كويس.. وبالهنا والشفا.