انت ياصاحبي ...!

سلام عليكم و رحمة الله و بركاته

و عليكم السلام و رحمة الله و بركاته !

ممكن دقيقتين من فضلك =)
.........
اتفضل يا سيدى بس بسرعة بس عشان مشغول الفيس كله حاجات مهمة و (مُنهمك) فيها

يا سيدى دول دقيقتين

خلاص اتفضل

النهارده هنتكلم على حاجة غلط للأسف كلنا بلا استثناء بنعملها الا من رحم ربى

ممم اللى هى ايه ؟

قراية الفاتحة غلط !

هههههههه لا بأة جيت فملعبى دانا حافظها من ابتدائى و مش تاخد معايا 10 ثوانى ها قالك غلط قال !

ما هو ده الغلط !!

ممم مش فاهم

أفهمك يا سيدى

ياريت..اتفضل

تعرف انك بتكلم ربنا و الله بعظمته بيرد عليك و انت بتقرا الفاتحة ؟؟

ايه ! ازاى فهمنى

اسمع يا سيدى حبيبك النبى و هو بيقول (قال الله تعالى : قُسمت الصلاة بيني وبين عبدي نصفين ، ولعبدي ما سأل

فإذا قال العبد : {الحمد لله رب العالمين} ، قال الله : حمدني عبدي .

فإذا قال : {الرحمن الرحيم} ، قال : اثنى علي عبدي .

فإذا قال : {مالك يوم الدين} ، قال مجدني عبدي.

وإذا قال:{إياك نعبد وإياك نستعين} ، قال : هذا بيني وبين عبدي ، ولعبدي ما سأل .

فإذا قال : {اهدنا الصراط المستقيم . صراط الذين أنعمت عليهم غير المغضوب عليهم ولا الضالين} ، قال : هذا لعبدي . ولعبدي ما سأل

!!!!!!!!!!!!!!

مالك مخضوض ليه ؟

أول مرة اعرف دى !! دانا زى مبقولك (بخطفها) ف 10 ثوانى !!

طب يا سيدى أديك عرفت اهو هتعمل بيه ولا لازم بسرعة عشان مشغوليات النت ؟

مشغوليات ايه يا صاحبى ده (الملك) بيكلمنى هعوز ايه تانى


ايوه كده هو ده صاحبى

ها يا صاحبى ياللى بتقرا انت كمان معايا و هنتأنى فالصلاة شوية و نخشع و نرمى الدنيا ورا ضهرنا و احنا بنرفع ايدينا وبنقول الله اكبر ولا لسه مشغوليات النت و الحياة وخداك؟