اللحمة بالصينية بالخطوات المصورة

**ritouja** مديرة منتدى تاريخ التسجيل : 18/11/2011

أكلتنا يا أخواتي الكريمات : اللحمة بالصينية أو متل مو دارج الاسم بالشام : ( اللحمة بالصحن )

هالأكلة , كتير طيبة و فخمة , و مستحيل تلاقي أي عزيمة عنا بسورية إلا ما تكون هالأكلة متصدرة السفرة

راح نبلش بسم الله

لحمة غنم ( أو بقر ) هبرة و معها كمية من الدهنة تقل أو تكثرعلى حسب ذوق و
رغبة عيلتك , و لازم نحط معها دهنة و لو بكمية قليلة , ما بيصير تكون هبرة
عالحل مشان ما تطلع ناشفة

اللحمة بالصينية بالخطوات المصورة 502ea8fea62cb

اللحمة بالصينية بالخطوات المصورة 502ea8fea62cb

للأمانة , نحن ما استخدمنا كل اللحمة اللي بالصورة , تركنا الشقفة الكبيرة يلي باينة عالوجه

كمية مبحبحة من البصل

اللحمة بالصينية بالخطوات المصورة 502ea8ff7d828

اللحمة بالصينية بالخطوات المصورة 502ea8ff7d828

عند الفرم , لاقينا إنه الكمية ما بتكفي ففرمنا كمان بصلة وسط
دبس رمان , لازم دبس رمان و مو أي حامض تاني , لأن دبس الرمان إله نكهته الخاصة اللذيذة و هيي اللي بتعطي الصينية نكهتها المميزة

دبس فليفلة ( حلوة أو حدة ) ( حدة يعني حارة ) , و إذا ما عندك ممكن تستغني عنه , بس لا تحطي بداله فليفلة ما بيمشي الحال

ملح , كمون , أي خلطة بهار طيبة معتمدة عندك

لتزيين الوجه : بندورة و فطر
( ما حطينا فطر عالوجه , لأن بالصدفة ما كان عنا فطر اليوم )

راح نفرم اللحمة و البصل بماكينة فرم اللحمة , و لاحظوا مقاس مصفاية الفرم المستخدمة

اللحمة بالصينية بالخطوات المصورة 502ea9004129b

اللحمة بالصينية بالخطوات المصورة 502ea9004129b

حطينا دبس الرمان

اللحمة بالصينية بالخطوات المصورة 502ea90108dcd

كمية دبس الرمان على حسب ذوقك و رغبتك ( فيكي تتذوقي و تتحكمي بالكمية ,
طبعآ فقط لحمة الغنم يلي فيكي تتذوقيها أما إذا لحمة بقر لا تاكلي منها نية
, انتبهي )

و حطينا الملح و الكمون و البهار ( بكمية مناسبة لكمية اللحمة و البصل ) , و كمان حطينا ملعقة كبييرة دبس فليفلة متوسطة الحد
( الكمية بس لتعطي نكهة الفليلفة و الحد للصينية , هيك راح تطلع أطيب ) , إذا الدبس حد كتير لا تكتروا مشان ما تطلع اللحمة حدة

اللحمة بالصينية بالخطوات المصورة 502ea901d3c51

اللحمة بالصينية بالخطوات المصورة 502ea901d3c51

منخلط كل المقادير مع بعضها البعض جيدآ
و منوزعها بالصينية متل مو شايفين و منرفع اللحمة على جناب الصينية

اللحمة بالصينية بالخطوات المصورة 502eacd37fd13

اللحمة بالصينية بالخطوات المصورة 502eacd37fd13

و منقطع البندوراية دوائر و منوزعها على وجه الصينية , و منحط فطر بالفراغات ( ما حطيت اليوم , لأن ما كان عنا فطر )

و عالفرن ( هالكمية بتكفي حوالي 5 – 6 أشخاص )

راح نلاحظ , إنه اللحمة راح ينزل منها مي و تتقلص , أكيد راح يصير هيك ,
فينا نخلي نار الفرن هادية مشان ما تنشف المي , بس راح تاكل الصينية وقت
أطول لتنضج

و هي بعد ما طلعت من الفرن

اللحمة بالصينية بالخطوات المصورة 502eacd4698f1

بتقدميها و بتقدمي جنبها سلطة خضار و بطاطا مقلية

و في ناس بيحبوها مع الطحينة , فيكي تقدمي معها طحينة مشان يلي بدو يحط على صحنه

جربوهااااااااااااااااااا و ادعولي

و يارب بالهنا و الشفا
و لكن مني كل الود و باقة ورد