يأبـــــــــــــــــــــــــــــــــــوي

سنين طافـ(ن)وخافق القلب يبكيك
سنين طافـ(ن)وداخل العين روياك

سنيـن طـافـ(ن) والكـل يلـعيـك
ناسك واهلك وحتى الجار يبكيك

والمطر لامن نزل قام يطريـك
ويقول وين اللي يحبك ويهواك

وحتى الثرى يابوي حن لخطاويك
وقال مـات اللي يدوسـك ويطــاك

والفطيم هو الفطيم صـار يرغـيك
ويقول راح اللي يشوفك ويرعاك

يالـيت المـوت يـأبـوي يخـطـيـك
وياخذ روحي قبل لاعيش فرقاك

ياليت النفس يابوي تفديك
ولاعيش يوم وفيه ملقاك

نــذر علــي يـابــوي لـــو فـيــك
وعهد(ن)علي لو الموت منساك

حكم القدر ياخذك عند باريك
وتترك يتم(ن) حـن لدفــاك

يابوي احبـك وللمـوت ابـكيــك
واطلب من الله يغفر لك أخطاك

ومن نهر الكوثر عسى ربي يرويك
وجعل الجنه يـابوي دارك ومـثــواك

ومن حليه الرحمن يابوي يكسيك
وتعيش مخلد ومع الحور سكناك

ومـن نار جهنم عسى الرب ينـجيــك
ويجمعني ربي بك وعلى الخير القاك