قصيدة: هفهفات الهواء للشاعر: فهد بن مساعد أتمنى تعبجكم

العام جابت له قفص داخله طير
وعيونها من هفهفات الهواء شرد

قال اكره اللي يسجنون العصافير
فك القفص والبنت ماتت من البرد

واليوم جابت له ورود ونواوير
ومن الحيا خبت له الشعر في طرد

مكتوب فيه ابيك تذكرني بخير
ياللي بدونك ضاعت سنين الجرد

اشر على يدها ولا تمتم بغير
اللي يعرف الحب مايقتل الورد

راحت ودمع عيونها سر في بير
والذكريات تمرها صدر ورد

مره تقول لنفسها يمكن يغير
ومره تقول الا رمى لغيري النرد

ومره تقلب في رسايله وتطير
من حبه اللي كان طاغي على السرد

وترجع تضم أقفاص فيها عصافير
كانت هدايا منه لعيونها الشرد

وتسقي الورد اللي قطف والنواوير
وعلى مكان كفوفه تقبل الورد

ممآ رآق لي نقله