أبوآآآآآب آلزمآآآآآن

||....للشاعر....||
فهد المساعد

أخليكم مع القصيدة

لو دريت !
انك اللي ينتظرني خلف ابواب الزمان
كنت شلت سنيني اللي عشتها قبلك وجيت
ليتني والله دريت


انتي اللي من عرفتك ماذكر اني قلت ليت !
الا ليتني عرفتك من زمان


وادري اني كنت اعرفك
أشعر اني قبل احبك فوق هذي الارض
قد عشقنا وافترقنا !
في مكان غير هاذي الارض


كنت اعرفك لين نادتني الحياه
وقلت لك بكرى بسافر!


واذكر انك قلتي عني وقتها قاسي وجافي !
قلت وكفوفي تبلل من دموعك : لاتخافي
انا مدري وين رايح بس احس اني بشوفك !


ورحت قبلك وجيتي بعدي ..
جابك الله مثل ما في أعذب اشعاري ..


وصفتك كنتي بنفس الملامح ..
واذكر اول ماصدفتك كنت افكر واتسائل ..
وين شفتك !! وين شفتك !!


اذكرني قد عرفتك اذكر اسمك ضحكتك صوتك كلامك ..
هذي انت وهذا رسمك ..


جابك الله كنت هايم في نهاياتي ..
وشفتك وابتديت ..



اه والله لو دريت انك اللي ينتظرني خلف ابواب الزمان .
كنت شلت سنيني اللي عشتها قبلك وجيت ..


ياجمل أقداري اعذريني ‘ لو تاخرت ونسيت ..
يااجمل اعذاري اعذريني ‘ لو تاخرت وقسيت ..


واعذريني يوم جيت الارض لوحدي ..
وعشت هذا العمر دونك ..


بس والله كنت دايم اشعر بـ ليل الطويل ..
واشعر بحزن غريب ..
واشعر اني انتظر فجر مااعرفه !!


مادريت انه عيونك ..
اعذريني انتي اجمل بيت قلته ..
الا انت الشعر كله ‘ بيت بيت ..


اعذريني كنت جامع لك كلام وحب واهات واغاني
وابتسمتي لي ونسيت ..
أتمنى تنآل على أعجابكم