عذرك قهرني ..!والخطأ ماله اعذار’‘

عذرك قهرني ..!والخطأ مالـه اعذار
لاصار يجرح بالمشاعر والاحساس

اهديت لك قلب(ن) ملى دربك انوار
واهديتني جرح(ن) سرى بين الانفاس

خليتني ساهر مع الهم محتار
والفكر ضايع والسبب دمعة الياس

وش ذنب كف(ن)؟ مدت ل يدك ازهار
وش ذنبها منك .. تجازى بالادناس

وش ذنب قلب(ن)؟ باح لك كل الاسرار
طاوعت فيه اللي حسدنا من الناس

وش ذنب شخص(ن)؟ سارحن بين الافكار
همه رضاك ومنيته .. معك مجلاس

خاين ! عديم احساس ! ظالم ! وغدار!
طبعك تغير والسبب مشي الانجاس !

اول بقلبي لك معزه ومقدار
واليوم حبك تحت رجلي بينداس

واليوم انا بسقيك نارن بعد نار ؟
حتى عيونك لاحشى مالها انعاس

لا تعتذر ..!دآآم الخطأ ماله اعذار!
لاصار يجرح بالمشاعر والإحساس ..!