البحر المتوسط

البحر المتوسط







صورة ل البحر المتوسط متاخدة ب القمر الصناعى
البحر المتوسط هو بحر من المحيط الأطلنطى بتحيط بيه منطقة البحر المتوسط موجود بين قارة أوروبا و أسيا و افريقيا و مساحته 2.5 مليون كيلومتر مربع (965000 ميل مربع) و ب يربطه ب المحيط الأطلنطي مضيق جبل طارق اللى عرضه 14 كيلومتر (9 ميل) بس.


اتكونت حضارات عظيمة على طول شواطيء البحر المتوسط في العصور القديمة و كان البحر وسيلة مهمة للتواصل الثقافي و التبادل التجارى بين الحضارة المصرية القديمة، بلاد بين النهرين(سوريا والعراق)،
الحضارة الفينيقية،و اليونانية و الرومانية. دراسة تاريخ البحر المتوسط من
اهم الحاجات اللي ب تخلي الواحد يقدر يفهم كتير من المجتمعات الحديثة و
ازاى اتشكلت و اتطورت.

المحتويات 1 الإسم 2 الجغرافيا 3 الدول المحيطة 4 التاريخ 5 المستقبل 6 الإتحاد للمتوسط 7 مراجع

<--xx-- type=text/--xx--> //


الإسم


اسم البحر المتوسط متاخد من الاسم اللاتينى للبحر لان الرومان القدام كانو متخيلين ان البحر المتوسط موجود في وسط أو مركز الأرض. البحر المتوسط اتسمى اسامي كتيرة من الشعوب اللي بتطل عليه و الأسامي دي اتبدلت و اتغيرت على مر الزمن.

• الرومان: بالضافة للتسمية اللي اتذكرت فوق، كان الرومان القدام بيسمو البحر المتوسط مارى نوسترام يعنى البحر بتاعنا.
  
• اليونانيي القدام كانو بيسموه(ميزوجيوس) يعنى البحر اللي في وسط الأرض.
  
• الأتراك بيسموه آك دنيز يعني البحر الأبيض
  
• العرب بيسموه البحر الأبيض المتوسط و أكيد ممكن ملاحظة التأثير التركي-العثماني على التسمية دي. قبل كدة كان أسمه عند العرب القدام بحر الروم علشان الامبراطورية الرومانية كان ب تسيطر على البحر و الدول الل بتطل عليه.
  

الجغرافيا


البحر المتوسط موصول ب المحيط الأطلنطي عن طريق مضيق جبل طارق من ناحية الشرق. و كمان موصول من ناحية الغرب ب بحر مرمرة و البحر الإسود . أما من ناحية الجنوب الغربي ف قناة السويس بتوصله ب البحر الأحمر.
البحر المتوسط مليان جزر كبيرة و مشهورة زي قبرص ، كريت، رودس، صقلية، و
مالطا ، كورسيكا و مايوركا. بالنسبة ل المناخ ف بشكل عام الشتاء بيبقى برد و
مطر و الصيف بتاعه حر و جاف.



الدول المحيطة


دلوقتي في اتنين و عشرين دولة ب تطل على البحر المتوسط و هم:

• مصر و ليبيا و تونس و الجزاير و المغرب في (أفريقيا).
  
• أسبانيا و فرنسا و موناكو و إيطالياو مالطا و سلوفينيا و كرواتياو
  البوسنة و مونتينجرو(الجبل الاسود) و البانيا و اليونان و تركيا و قبرص في
  (أوروبا).
  
• سوريا و لبنان و اسرائيل و فلسطين في (أسيا).
  

التاريخ


البحر المتوسط بيعتبر مهد الحضارات و تاريخ الشعوب و الدول المطلة عليه
تاريخ مليان بالانجازات من أول عصور ما قبل التاريخ لما ظهرت الحضارة
المصرية في وادي النيل و الحضارة السومرية في العراق. و بعديها بشوية
انتشرت المدنية في كل الهلال الخصيب و سوريا و لبنان و
اسرائيل/فلسطين.امتدت بقعة النور و الحضارة بشكل سريع لهضبة الاناضول (
حضارة الحيتيين) وما مر ش وقت كبير قبل نشوء بقع حضارية و ثقافية جديدة في
جزر قبرص و كريت و بسرعة اتبدل ميزان القوة في حوض البحر المتوسط لصالح
الشمال و بدأت تظهر ابداعت اليونيانيين القدام في الفلسفة و السياسة و و
سيطروا على البحر المتوسط بالكامل لأول مرة و أسسوا امبراطورية هيلينستية
على انقاض الامبراطورية الفارسية و ساهموا في نقل الافكار و المعارف
اليونانية بين شواطيئ البحر المتوسط بصورة اسرع من اي وقت تاني.الرومان و
من بعديهم العرب و المماليك و الاتراك اتبادلو السلطةو السيطرة على حوض و
شعوب البحر المتوسط.وفي العصر الحديث و قعت اغلب دول الجنوب تحت الاحتلال
الأوروبي و خصوصا بريطانيا(مصرو السودان و العراق)و فرنسا (لبنان و سوريا
وتونس و الجزائر و المغرب) و إيطاليا و أسبانيا بنسب اقل.






المستقبل


نجحت دول الشمال في توحيد نفسها سياسيا و اقتصاديا ضمن الاتحاد الاوروبيو
على العكس لسة للاسف دول الجنوب في صراعات و عراقيل بتمنع التعاون و من
أهم المشاكل دي مشكلة اسرائيل و فلسطين اللي كانت السبب الرئيسي في تجميد مبادرة برشلونة
-سنة 1995- اللي كانت ب تهدف لتحقيق السلام و الاستقرار و تعميق العلاقات
الاقتصادية بين دول الشمال الاوروبي و يقية الدول اللي بتطل على البحر
المتوسط. في أكتوبر 2007 دعا الرئيس الفرنساوي نيكولا ساركوزي لقيام الاتحاد المتوسطي
بين الدول المطلة على البحر و اتعقد اول اجتماع في فرنسا في 13 يوليو
2008.دعوة ساركوزي لقت ترحيب من بعض الدول ولقت معارضة من بعض الدول
التانية.



الإتحاد للمتوسط





ساركوزي بيقترح تشكيل الاتحاد المتوسطي سنة 2007
دعوة الرئيس الفرنساوي ساركوزي زعلت مش بس دول الجنوب عشان ماتخدش رأيها
قبل الاعلان عن الاتحاد، و كمان زعلت دول أوروبية كتيرة زي ألمانيا اللي
شايفة ان دعوة ساركوزي ح تضعف و حتشتت الأتحاد الاوروبي.اسم الأتحاد
المتوسطي اتغير و بقى الاتحاد للمتوسط و اتغيرت عضويته و بقت بين
دول الاتحاد الاوروبي ال 27 من ناحية و دول البحر المتوسط التانية من ناحية
تانية بالاضافة للأردن و موريتانيا. مصر بقت أول رئيس للأتحاد بالاشتراك
مع فرنسا و لمدة سنتين و اما بالنسبة للمقر بتاع السكريتارية العامة ف لسة
ما تحددش و شارك في القمة التأسيسية 43 دولة و من أشهر الرؤسا و الزعما
اللي حضرو حسني مبارك من مصر، بشار الاسد من سوريا،إيهود أولميرت من
إسرائيل ، طيب اوردوجان من تركيا و انجيلا ميركل من المانيا و جوردون براون
من بريطانياو طبعا نيكولا ساركوزي من فرنسا.وما حضرش الملك المغربي محمد
السادس و العقيد القذافي من ليبيا. [1] و أهم الحاجات اللي اتفق عليها الزعما اللي حضرو:

• تطوير التعاون الاقتصادي بين دول الاتحاد
  
• تطوير التعاون البيئي علشان يحافظو على البحر المتوسط من التلوث
  
• تطوير التعاون التعليمي و فتح جامعة أورو-متوسطية لتبادل المعرفة العلمية
  
• تطوير التعاون السياسي زي التوسط بين سورياو لبنان لحل مشاكلهم، التوسط بين إسرائيل من جهة و الفلسطينيين و السوريين من جهة تانية. [2]
  

مشكور على الموضوع


تقبل مروري
احترامي لك

جزاك الله خيراً أخى