حلوة ساهلة ماهلة واقتصادية لذيذة جدا للجميع

4 بيضات
كأس زيت
كأس سنيدة
2 معالق زبدة
خميرة 1
فاني
دقيق حسب العجين
شوكولاط غبرة معلقة
مربى أو عسل والكوك للتزيين
نلطو المقادير مزيان ونزيدو الدقيق شوية بشوية حتى تبدا تجمع ماقصحوهاش خصها تبقا خفيفة

نقصمها على 2
ناخذو جزء ونضيفو ليه الشكلاط ونقسموه على 2
والجزء الآخر حتى هو على 2

ونجيبو طاوة مدهونة بالزبدة
نحطو وحدة فيها الشكلاط ونوركو عليها مرة
ونحطو عليها الأخرىلي مافيهاش ونوركو وهكذا

من بعد نكرصوها وندخلوها الفران

ملي تطيب نرجوها ندهنوها بالمربى أو العسل و ندردرو الكوك ونقطعها كيف بغينا

راه كتجي هشيشة وكذوب فالفم وما كتاخذش الوقت 5 دقايق و 15 دقيقة باش الطيب
ملاحظة عجينتها متعددة الإستعمالات ممكن تخدميها بالطابع ممكن تخرجيها بالبوق وممكن ديريها على شكل غريبة
أنا هنا إسعملت غير نصف المقادير