قصة و بيات يعطي العطا من كان ضاري بالعطا * ويمن العطا من كان خاله لاش )

يقولون يوم جاء ذاك الزمان يوم الناس مهب عميان ( كان فيه بدو قاطنين يعني مصيفين عند ناس عندهم ماء المهم يوم خلص الصيف رحلو يوم رحلو قال ولد الي هم قاطنين عندهم يبه : قال : يالبيه : قال انا ودي اسير انا وياك على آل فلان . اللي هم البدو اللي رحلو : قال : ليه ونا بوك قال: ابي اخطب فلانه بنتهم قال ابوه توكلنا على الله . مشو الربع وهم في نص الطريق الى والله ذاك الدرويش معارضهم قال يالربع معكم تكفون لي 3 ايام ما تعشيت ، قالو مرحبا . مشو وصلو معزبهم الى ماش مهوب الي تبون ، تسالمو الربع وورد عليه بالخطبه ورحب بهم ، عقبن جاب عشاهم قرص مطلعه من الرماد ، وقام انت يالمعزب اخذ من القرص فلشه وعطاها الدرويش قال خذ تعش . وقامو هم على قرصهم ونظفوه وعبطوه بسمن وقاموياكلون لين شبعو .. وخلو شوي في الميقعه . قالو للدرويش خذ تعش ، قال : خلاص : قال له المعزب يعني شبعت قال :

شبعنا وشبع الذر من سورنا * وللذر من زاد الرجال معاش
يعطي العطا من كان ضارن بالعطا * ويمن العطا من كان خاله لاش
من لا يعرب منسبه قبل منشبه * تروح عليه المقديات بلاش

سكتو كلهم : قال الأبو لولده مشينا .. جازت الخطبه والعرس
قال الولد وش العلم : قال ما سمعت الدرويش وش يقول قال : إلا . وش معناها؟
قال الأبو معناها إن عمك معزبنا ضفعه ما فيه خير مثلك يالله سرينا .. وخبري بهم مشو وخلو الضفعه الحرمه الهلامه لحاله .. ودرويشهم راح كعهم واشتغل عندهم واستانس ..