بيني خفيف بالليمون

السلام عليكم و رحمة الله تعالى و بركاته

اليوم جبت ليكم بيني خفيف و هشيش بالليمون نتمنى يعجبكم

المقادير
كاس عصير ليمون
2 بيضات
1 فاني
1 خميرة
خميرة ديال العجينة
نص كاس سنيدة
نص كاس زيت
دقيق الي يجمع
زيت للقلي
سنيدة او سكر كلاصي للتزيين او حسب الرغبة

بيني خفيف بالليمون 880ntr3chyzu9ri4t54z

كنخدمو
البيض مع السنيدة غير بايدينا حتى يندامجو .. من بعد كنضيفو باقي المقادير
و الدقيق شوية بشوية حتى تتجمع العجينة وندلكوها شوية بين ما تنساجم
العناصر مع بعضياتها
غير العجينة قد ماكانت خفيفة قد ما كتجي هشيشة و زوينة
كنرشو طابلة أو رخامة أو ..... بشوية الدقيق و كنطلقو العجينة بالمطلق .. ماتكونش رقيقة بزاف
كنقطعو دوائر بالقطاعة ديال البيني او كاس بالحجم الي بغينا
الي كتبغيه مثقوب من الوسط حتى هو كيجي زوين

بيني خفيف بالليمون G074qqyavdmcdup9ojxn

كنغطيوه و نخليوه يخمر الوقت الكافي
كنسخنو الزيت وكنقسو العافية بزاااااف حيت كيطيب بسرعة و كنقليوه عادي
كاين الي كيدردر عليه مباشرة السنيدة .. أنا كنعملو فوق الورق النشاف باش يشرب الزيت لي فيه عاد كنرش عليه السنيدة أو السكر كلاصي
و بالصحة و الراحة
بيني خفيف بالليمون Z4fq3mp5ejveym6skyg3

وهاهو مني كيتحل كيف كيجي من الداخل .. خفيف و هشيش

بيني خفيف بالليمون Fs0a63nz6petjufzozb

شكرا على الوصفة الروووووعة

السلام عليكم ورحمة الله تعالى وبركاته

شكرآ جزيلا على الموضوع الرائع و المميز

بارك الله فيك اختي الكريمة ...

ننتظر منك الكثير من خلال ابداعاتكِ المميزة

لك منـــــــ اجمل تحية ــــــــــي