مكرونة جارية

**راجيه** مديرة منتدى تاريخ التسجيل : 20/10/2009

دي أكلة ليبية

المكونات

نص فرخة مقطعة أربع قطع
أو نص كيلو لحمة
وكيس مكرونة ممكن أي حاجة بس الأحلى الإسباكتي أو لو تحبي أقل براحتك
فلفل رومي حلقات (3 متوسطين)
بصل حلقات (بصلتين متوسطين)
معلقتين صلصلة
5 طماطمات مضروبين في الخلاط

وبهارات ملح فلفل أسود شطة كركم وزدي بهارات زي ماتحبي

ولو تحبو تضيفي حمص أو خضار(بطاطس جزر بسلة )

الطريقة
تشوحي البصلة في زيت أو زبدة براحتك وشوية ضيفي الفلفل يكمل مع البصل
وحطي الفراخ وعليها البهارات وشوحيها كام دقيقة وبعدين وزدي الصلصلة والطماطم
لو هتسوي خضار معاها حطيه في الوقت إلى تحسي إنها هتستوي فيه مع الفراخ

لحد مالفراخ تقرب تستوي وكل ماتحتاج ميه تزودي
وبعدين حطي المكرونة تتسلق مع الفراخ
وبس كده قدميها وبتسيبي معاها شوية صلصلة تبقى جارية فيها زي الإندومي وبتبقى خطيــرة
وفي ملاحظة مهمة جدا لازم تتاكل بعد ماتقفلي عليها على طول لأن المكرونة
بتشرب الصلصة بسرعة وممكن لو شربتها أوي تزودي شوية مية بس متكتريش