ماهي اللقاحات

**عاشق البحر** مراقب تاريخ التسجيل : 17/05/2009

ماهي اللقاحات 76279_494138066873_235730276873_7013682_6264558_n

ماهي اللقاحات

أكيد كتير منا نفسه يعرف اجابة السؤال ده التطعيمات أو اللقاحات هي عباره عن تركيبات معينه تعطي للشخص -عادة الشخص السليم - لتعطيه حمايه معينه ضد الأمراض الأكثر شيوعا وخطوره طيب أنواعها ايه وايه هي التركيبات دي أكيد برضه سألنا نفسنا عليها التطعيمات دي لها أنواع كتيره منها

1.اللقاح أو التطعيم الميت
=================
في النوع ده بنجيب الفيروسات اللي عايزين نعملها لقاح معين وبنوقف نشاطها اما بالحراره أو بالمواد الكيمائيه أو بالأشعه فوق البنفسجيه أما معظم اللقاحات البكتيريه بتبقي مماته يعني بنجيب البكتريا وبنموتها زي التطعيم ضد التيفويد والكوليرا والطاعون والتطعيم ده له أمثله كتير هأقولكم منها 2 salk polio virusده أول مثال وعلي فكره ده التطعيم الخاص بمرض شلل الأطفال بس بيبقي محقون والتطعيم ده كافي انه يعطي مناعه كويسه لكل أنواع polio viruses والنوع ده من التطعيمات ليه مميزات وليه عيوب مميزاته انه آمن وده أهم شئ لأنه بيبقي مقتول فالخطر بتاعه قضينا عليه بس لازم يكون مقتول او وقفنا نشاطه بكفاءه وكمان له ميزه تانيه انه أما بنستخدم الفيروس كله مش جزء منه ده بيساعد علي تنبيه مناعة الفرد أكتر لأن الفيروس بيبقي بمكوناته الطبيعيه -ولكن طبعا غير نشيط يعني ما يعملش مرض-ده بينشط المناعه للأشخاص أكتر بس بقي اكيد الحلو ما بيكملش اللقاح ده له عيب انه علشان يبقي فعال بنحتاج منه كميات كبيره علشان ينبه مناعة الفرد أكتر وكمان لازم نعطي للشخص منشطات دوريه للمناعه علشان نحافظ علي المناعة أكتر وعلي فكره التطعيم ده بنحقنه وكمان اللقاح ده بينبه نوع واحد بس من المناعهhumoral Influenza virus vaccine ده المثال التاني وده برضه أكيد تعرفوه ده التطعيم ضد الانفلونزا هو تقريبا له نفس مميزات وعيوب لقاح شلل الأطفال مع وجود عيب خطيرجدا فيه ياتري هو ايه؟؟؟؟؟؟ العيب ده ان الفيروس ده مش ثابت يعني دايما بيحور نفسه ويغير في تركيبه يعني كل ما نعمل لقاح ضده يروح يغير تركيبه وما يتأثرش باللي عملناه فنعمل لقاح تاني وهكذا يعني ده بيحتاج مننا اننا نغير التطعيم بتاعه كل سنه

2.أما النوع التاني من التطعيمات فهو اللقاح المضعف أوattenuated vaccine

============================================

ومضعف يعني احنا بنجيب الفيروي أو البكتريا اللي بتسبب مرض معين وننميها في حيوانات أو في أنسجة زرع تحت تأثيرات تخليها أقل خطوره وبالتالي بنضعف قدرتها علي تسبيب المرض والنوع ده هاقوللكم له مثالين Sabin oral polio vaccine وده برضه تطعيم ضد مرض شلل الأطفال بس بيتاخد عن طريق الفم مش زي اللي فوق اللي قلنا عليه بيتحقن وفيه مثال تاني زي التطعيم الخاص بالحصبه measlesوالتهاب الغده النكافيه mumps والحصبه الألماني rubella والنوع ده بقي ميزته انه يقدر ينبه كل أنواع المناعه humoral&cellular وكمان قدرة الفيروس علي انه يتكاثر داخل العائل تخلي أقل كميه منه تكفي للحصول علي الحمايه الكافيه وكمان اللقاح ده بنعطيه عن طريق الفم يعني أقل تكلفه من الحقن بس احنا قلنا ان مافيش حاجه مالهاش عيب وعيب اللقاح ده بقي ان الفيروس اللي احنا أضعفناه ممكن يتحول تاني للصورة الأصليه بتاعته ويسبب مرض خطير بس ده نادر جدا وكمان من عيوبه اننا ما نقدرش نعطيه لمرضي نقص المناعه لأنه هيسبب لهم خطوره كبيره جدا

ماهي اللقاحات 73411_494138131873_235730276873_7013683_5273210_n

ماهي اللقاحات 73411_494138131873_235730276873_7013683_5273210_n

3.أما بقي النوع الثالث هو subunit vaccine
=========================

وهذا يعني ما لا نستخدم الفيروس او البكتريا كلها لا هذا نستخدمه بس مسبب المرض اللي فيها اللي هو antigen وده زي Bordetella pertussis antigensالبروديتللا ومميزات النوع ده من اللقاح انه مش معدي وآمن وممكن نعطيه في مرضي نقص المناعه واحنا مش خايفين وكمان أعراضه الجانبيه قلما تحدث بس عيبه بقي ان أكيد الجزء اللي استخدمناه اللي هو مسبب المرض -اللي هو أصلا عباره عن بروتين- مش هينبه جهاز المناعه زي الفيروس أو البكتريا كلها طبعا يعني تأثيره ضعيف

4.أما النوع الرابع فهو Toxoid vaccines
=======================

وهذه عباره عن سموم تم معالجتها لكي تزيل سميتها لكن لسه عندها القدره علي تنبيه مناعة الفرد وهذه مثل التيتانس والدفترياDiphtheria&Tetanus

وهذه الأنواع دي أقل شيوعا

conjugate vaccines

peptide vavvines
recombinant vaccines
DNA vaccines هذاأحدث نوع للتطعيمات ومؤثر جدا وآمن جدا وبكد أكون انتهيت من موضوعي يارب يكون عجبكم واستفدتم منه حاجه وياريت ما تنسوناش في الدعاء

ماهي اللقاحات 149856_494138006873_235730276873_7013681_4083876_n

ماهي اللقاحات 149856_494138006873_235730276873_7013681_4083876_n

مشكور عاشق البحر على المعلومات المفيدة

ماهي اللقاحات 395839

السلام عليكم
تسلم اخي علي هذا المجهود الرائع
من اجل رفع منتدانا
وشكرا علي موضوعك المميز
فعلا موضوع رائع
ومنسق ومرتب
واصل اخي تألقك
والي الامام دائما
بالتوفيق لك
تقبل مروريالخنساء
ماهي اللقاحات 8b7f8wcryvu9