قصيدة انتهينا

قصيدة انتهينا

للشاعر الشعبي العراقي

كاظم اسماعيل الكاطع

وهي اول قصيدة للشاعر كتبها عام 1969

انتهينا

وانتهى

الما ينتهي وخلَّص حجينه

انتهينا

وبقت

كَطرات الوفه المذبوح تتناثر علينه

وبقت

للمجفين كوم اسرار عد روحي الامينه

وكون ندري

بالعتاب يفيد بيهم عاتبينا

وكون يسوون

البجي

جا بثنعش

ناظر بجينا

غافلونا

وباكَو

العشرة غفل من بين ادينه

وباكَو من

ايد العمر سنتين وبوجهم رضينه

تالي نزعوا

شوكَنا من كَلوبهم

وكَالوا

عوض عنكم لكَينا

تالي سدوا

بابهم من شافوا على الباب اجينا

شكَكَوا مكتوبنا

وبلا خجل ذبوا علينا

تندمينا

جينا

بجنازة عشكَنه المات غفله وأيّسينا

وابتعدنا

بعيد لكن طيفهم ظل يعتنينا

ظلت

حجاياتهم عالبال ما جلمه نسينا

ياما لسعتنا الشمس وبفي كَصايبهم غفينا

ياما فيَّضنه الوفه وحطّولنا المهجة سفينه

ياما ذبنه

العطش يمهم وبجدح جفهم روينا

تالي نزعوا

شوكََنا من كَلوبهم

وكَالوا

عوض عنكم لكَينا

تندمينا

جينا

بجنازة عشكَنه المات غفله وأيّسينا

وابتعدنا بعيد

لكن طيفهم ظل يعتنينا

تسلم الايادي
الله لايحرمنا جديدك وابداعك,,
كل الشكر لك
لك تقديري واحترامي

قصيدة انتهينا

قصيدة انتهينا

رد: قصيدة انتهينا

إنشاء حساب أو تسجيل الدخول لتستطيع الرد

انشئ حساب

تسجيل الدخول