سالفة عشاق

ي إنسانة ..
تعبت أروي عطش قلبٍ جروحه ديم ..
تعبت ألملم الذكرى / على أوراق الشعر ..
وأشكيك لـ التقويم ..
تعبت أحكي لي غيابك .. !
تعبت أساير الروتين ..
.
مابين أصحى على جرحك ..
وأنام أزفر من ضلوعي غيابك لين ..
يجيبك حلم
وأناديك بـ ألم .. تكفين
.
خلاص البعد مازادك / وأنا اللي معتريني خوف ..
خلاص أرجوك ..!
ماباقي من أشلاء الحنين طيوف ..
خلاص إنسي ..
خلاص إقسي على ظروفك / على خوفك
على كل شي له فيكِ سوالف نوف ..
على البعد الأليم
وعطرك الـ ch
على الوعد القديم / واشششش
قلنا اشش
.
تعالي/ إكذبي !
بس قولي إني جيت ..!
تعبت أحاكي الجدران
عن كذبة جرس هـ البيت
.
تعبت أحكي لـ هالحارس / حكاوي فراق ..
عن الكذبة .. عن المشتاق
عن الخد النقي / عن سالفة عشاق
يرائون الحلم / والحلم ماينطاق ..
.
عن أجواء الدمع / لا جفت مزونه
عن الموت صبح العيد ..!
لامر من دونه ..
عن الليل العتيم / وعن شعاع الصبح
عن الحب القديم ..
عنّك وعن كم جرح ..!
.
وأقول إنك تبين تجين ..
وأبي آخذك من إيدك / ونلعب في مطر تشرين ..
وأنام فـ حضنك الليلة ..
وأنا أحكي له / وأحكي له ..
.
.
سمعته يقول لي : [ مسكين ] !

وقفت الساعة على حد المسا
موعدك ! || وأخر ليالينا
كنت منتظرك وأنا أتمتم عسى
هـ/ المسا || يشعل أمانينا
وعدت الأيام والوعد إنّسى
واللقا || صار بـ/ حكاوينا
ومابقى غيري وحزني والأسى
ننتظر ! || وحده تبي تجينا