خليني انسى

نفسى أنسى إنى بحبك..
نفسى احب.. بعد حبك..
نفسى حب.. ياخدنى منك..
يمحى كل ذكرى عنك..

نفسى قلب بعد قلبك..
وانسى كل الآمى جنبك..
أى قلب..ياخدنى منك..
مهما شفت..
مش ح الاقى قلب ظالم زى قلبك..

عايز ابعد عن حياتك..
وابقى ذكرى ف ذكرياتك..
وانسى كل الماضى بينا..
واى شىء كان مابينا..

انسى صوتك..او سكوتك..
عطر انفاسك..وجودك..

نفسى انسى إنى حبيتك بقوه..
وابقى زيك حد ظالم وأملا قلبى عناد وقسوه..
وانسى كل دقيقه جنبك..
وانسى كل لحظه حلوه..
مهما شفت..
مش حلاقى قلب ظالم زى قلبك..

مش بقول خلاص عاهدنى..
بس بتمنى تساعدنى..
اقفل الابواب وراك..
وأمحى م الايام لقاك..
يبقى ليا قلب فاضى.. لما اشيل منو هواك..
قلب ابيض مش رمادى.. لما يرتاح من آساك..
لما يضحك يبقى راضى..
مش مرار وعذاب معاك..
قلب أعيش وياه حياتى..
مش يكون قاموس جفاك..
مهما شفت..
مش ح ألاقى قلب ظالم زى قلبك
............