قصيدة مرّة مرّة

قصيدة مرّة مرّة

للشاعر الشعبي العراقي

كاظم اسماعيل الكاطع

مره مره عشرتي وياك مره

ومن اريد انساك

يمنعني الكلب

ويذبله حســـــــــره

ومن اريد انساك

يعرضلي الدرب

ويكلي الك خطوات

ذكــــــــــــــرى

ومن اريد انساك

تذكرني الملامه

وشنهي ربحي وياك

واللي مادروا كالو

تخســـــــــــــره

انه شنهي الماخسرته وحتى اخسره

ويانهر يعتب عليه

حتى بجناح الكصب روجات اعبره

وياجبل يصعب عليك حتى اذب حبال روحي

اكصايب اعلى جتاف صخره

وياعظم تتصوره التم

حتى يم بابك عشر كسرات

اكســـــــــره

مره .. مره

والمراره اتزيد لليمشي ابجزيره

وما لكه وسادة محبه اتريح

ظهـــــــــــره

والمراره اتزيد للما يلكه ظل

وينتجي اعله الشيب عمره

ويا جمرتي الماطفت

حسبت يطفيها دمعي

ثاري دمعاتي اعله خد النار شذره

انته من دكيت بابي

جبت وياك الحزن خطار ماين

والفرح طلعته بره

انه من شكيت زيجي احتركت ايدي

وانته من شكيت زيجك شفنه كمره

كان عمري نهر صافي

ومايه غافي

وخنجرك مثل البلم بالليل طره

ويانهر والحسره حسره

كون اشوفن سندبادك

شايل اعله اجتافه جزره

بكلبي حسره

كون اذب ثوب الحزن وانه بشبابي

والحزن عالخد اســـــطره

هيه حسره وامنيه نسميها فكره

كون اشوفن سندبادك

شايل اعله كتافه جــــــزره

كون اشوفن مريمك ما بيها لولـــه

ومن صدك نلكاها عــــــذره

هيــه حسره .. وعشره مـــره

والمراره اتزيــد للما يلكه فــي

وينتجي اعله الشيب عمـــــــره

تسلم الايادي
الله لايحرمنا جديدك وابداعك,,
كل الشكر لك
لك تقديري واحترامي

**رميساء** عضو فعال تاريخ التسجيل : 12/05/2017

بارك الله بك

مرورك أسعدني

تحياتي وتقديري

قصيدة مرّة مرّة

قصيدة مرّة مرّة

رد: قصيدة مرّة مرّة

رد: قصيدة مرّة مرّة

رد: قصيدة مرّة مرّة

إنشاء حساب أو تسجيل الدخول لتستطيع الرد

انشئ حساب

تسجيل الدخول