رمضان على الابواب

السلام عليكم ورحمة الله وبركاته جميعا....
#اهلا_وسهلا...
رمضان على الابواب والاكيد ندعو الله ان يبلغنا اياه ايمانا واحتسابا...لكن مو هذا موضوعي.....
الشهر 30يوم ويخلص ويجي العيد وكلنا نلبس ملابس جديدة وفرحتنه تكون غير بهذا اليوم...اكو ناس تطلع من الشهر بقلوب نقيه بنفوس طاهرة....هم عتقاء الله من النار غفر لهم ماتقدم من ذنوبهم....مثل الملابس الجديدة تكتب الهم صحائف جديدة تمحى كل ذنوبهم...طول السنه وانت تجمع ذنوب واعمال سيئه وبشهر واحد تنمسح كل ذنوبك وتفوز برضا الرحمن...
السؤال اللي يطرح نفسه انت راح تكون واحد منهم...
زين تعال نفكر هم شنو سووا وفازوا بهذه المرتبه...
1.صام رمضان..زين راح تكول اني هم صمت..هو صام ايمانا واحتسابا..
2.هو بار بوالديه واهله...زين وانت هم بار...صح بس البر مالتك كرها وليس طوعا..هو استشعر لذه البر وتفنن به..
3.هو وصل لارحامه...زين انت توصل ارحامك..بس هو ماقطع الوصل حتى لابعد اقاربه...وانت يمكن حدك عمك وخالك..
4.هو يسامح من غلط بحقه...راح تكول مو كل واحد يستاهل اسامحه هو غلط عليه وهو البدء بالزعل...زين فاعفوا واصفحوا الا تحبون ان يغفر الله لكم(لو في الاية خطأ استغفرك يارب وانتم صححولي)..
5.هو يصلي صلاته بخشوع..زين انت هم تصلي بس بالك بالمسلسل شنو صار والحلقه الجايه شنو بيهة...
6.هو يرفع ايده قبل الفطور ويدعي الغفران والجنة...وانت تصيح وين الشوربة جيبوا التمر...
7.هو قبل رمضان لزم القنوات ومسحه حتى ميشوف المسلسلات وتلهي..وانت ادخل ترددات زيادة حتى تشوف المسلسلات التركية والهندية وغيرها
8.هو العشرة الاخيره كلها يقيم الليل وماينام..وانت صح ماتنام بس ع التلفزيون مو بشئ ثاني وزين اذا اذكرت ليله27 تقيهة..
9.هو يساعد المحتاج وينطي من فطوره...وانت من الباب تعيطله الله ينطيك..
10.هو مايغتاب العالم ويحجي ع الرايح والراجع...وانت متحلالك السوالف الا تكص بفلان وعلان...
طولت صح بس لازم نعرف الصيام مو بس تتحمل الجوع والعطش الصيام تهذيب للنفوس...
الكلام مامقصود بي احد كتب من باب المجاز والمحاورة بين شخصين...
#استغفر_الله.....