يا راع الوفا

مســــآآآء ..... صبــآآآح

الجــــــــــوري ..^

نقل مما راق لي ..!!

يا راع الوفا بنشدك وش ناويـن بالـروح؟
ترى جروح روحي يا الغـلا رايحـه فيهـا
,,
صدودك ذبل له ورد بالشـوق كـان يفـوح
كثير الضما و الضيـم مـا حـنْ جوريهـا
,,
همومي صروح و زدت فوق الصروح صروح
و انـا قبلـك همومـي تعْـلـت مبانيـهـا
,,
و لاني ببوح الهم مير العيـون ... تبـوح
على صدمة صـدودك بـدا سيـل صافيهـا
,,
غدا صدك الذابـح و انـا قلبـي المذبـوح
و غدت عينـي بحـورن بعيـده شواطيهـا
,,
لفتني طعونك و انت تـدري بهـا مسمـوح
يا قو الطعـون ان سامـح القلـب راعيهـا
,,
و غدت بالوفا تنزف و شعري لها مسفـوح
صـدوق المشاعـر حالهـا حـال وافيهـا
,,
دروس الغدر في دنيتـي فصلهـا مشـروح
و عجزت اتعلم مـن دروسـي و ماضيهـا
,,
و يوم الحشا غنَاك ( خذني بقايـا جـروح)
تردد صداهـا فيـك... مـا جيـت تشفيهـا
,,
ترَكد و انا لا اقفيت مالـك تـرى مصلـوح
و اذا قلـت كلمـه مانـي اللـي يثنًيـهـا
,,
و انا لي بيارق عـزةً فـي سمـاي تلـوح
و لا خلـق منـهـو بالمـذلـه يوطْيـهـا

,,