جمبري مقلي روعه

جمبري مقلي روعه

المقادير

كيلو جمبري وسط
(منظف و مقشر)
4 كوب ماء
كوب و نصف نشا
2 بيضة
3/4 ملعقة صغيرة بودرة ثوم
3/4 ملعقة صغيرة بودرة بصل
(لو مافيش ممكن6 فصوص ثوم مهروسين بالملح و الكمون )
زيت للقلي
بقسماط

الطريقة:

في سلطانية كبيرة نخلط الماء و النشا و البيض
و نحضر كيس كبير و نحط فيه البقسماط علشان يسهل عملية تغطية الجمبري
و نخلط بالبقسماط بودرة الثوم و البصل
و لو مش متوفر نخلط بيه الثوم المهروس بس هنا هندعك كويس علشان الثوم يتجانس بالبقسماط



هنحط الجمبري في خليط الماية بالنشا و نقلب فيه كويس علشان نتأكد انه اتغطي كويس بالخليط
و بعدين نحطه في كيس البقسماط و نقلب كويس علشان يتغطي كويس
و بعدين ارجع الجمبري لخليط الماية النشا تاني علشان ياخد طبقة تانة
بس في السريع المرة ديه
و بعدين نرجه تاني لكيس البقسماط علشان ياخد طبقة تانية
و بعدين نحمرهم لحد ما يصلوا للون ذهبي جميل
و نطلعهم علي ورق مناديل المطبخ
و بالهنا و الشفا

منقوول