هـذي بنـات اليـوم برقـع وجـوال ولاعبايـة كتـف هــم يلبسـوهـا ....

<blockquote class="postcontent restore">
هـذي بنـات اليـوم برقـع وجـوال ولاعبايـة كتـف هــم يلبسـوهـا


والراس فوق الراس طرحه مع الشال حتـى الخصـال الطيبـة افقدوهـا

يوم البنات اللي غـدٍ سبـت اهمـال ويـوم السبايـب اهلهـا هملـوهـا

الأم نامـت والاب صـار تمثـال والبنت راحـت ويـن مـا يسألوهـا

بالليل تسهـر بيـن هاتـف وجـوال والا علـى الشات سهـروهـا

اللبس تلبس كل مـا يطـرب البـال وفلوس لو تنقـص عليهـا عطوهـا

من شافها باللبس يـا ساتـر الحـال يسبهـا ويـسـب مــن خلفـوهـا

كومة لحم وعيـون والرمـش قتـال ولما مشـت كـل الشبـاب اتبعوهـا

هم ما دروا لـو البراقـع بتنشـال ونشوف وش تحت البراقـع خفوهـا

وين البنات اللي بهم تضـرب امثـال ليت العلـوم الطيبـة مـا تركوهـا

البنت زين البنـت لا زانـت الحـال ما هـو بلبـس ولا علـوم خذوهـا

وين المراجل ما بقى غيـره ارجـال يليـت الشـوارب واللحـى حلقوهـا

اللي على عاره رضي الـذل ينقـال ليـت الكرامـة ليتهـم يرفعـوهـا

ما عاد ينفـع قـول فيهـا ولا قـال لا الأم والله ولا الأبــو انفعـوهـا

اصبح ضياع البنت بسبـاب جـوال البنت ضاعـت والأهـل ضيعوهـا

وسلامتكم .......

ولكن الدنيا بخير ولا زال بنات فيها ملتزمات و الحمدلله ولكن نسبتهن في تناقص كلما دخلت العادات الغربية الى العرب


ولا وش رايكم انتم؟؟
</blockquote>

آبدعت آخي الكريم فيمآ طرحت
يتشرف القسسم بـمرور عضو مبدع مثلك
يعطيك آلف عآفيه ,, وسلمت يدآك

ودي / تقبـل مـروري