بطيـــــــــخه هي الحياه

بطيـــــــــخه هي الحياه

في لحظه الم حسيت
ان الحياه
بطـــــــــيخ
بطيخه دايره مدوره
قدامها زي اللي ورا
بطيخ
تيجي تشيلها مبطرخه
تِخبَط عليها مطخطخه
لكن ف لحظه ملطخه
تعرف انها
بطيخ
من بره قشره مخضره
لمعتها تجذب عنتره
واخرتها ايييه؟
بطيخ
تشيلها وتروح للعيال
جايب لي كاس فشر الريال
تستقبلك ام العيال
لا مؤاخذه دا
بطيخ
بطيخه يا دنيا مبذره
وقرعتها بينا من وره
غلبان ونايم في العره
شاب اشتري
بطيخ
مين يدرا ايه اللي ورا
القشره مين اللي افترا
بايعها ولا اللي اشتري
البطيييييخ
سلام يا فاكهه مش خضار
لا حصان شاريكي بس الحمار
اللي يغره دا المرار
دنيا اسمها
بطيخ
ما شفنا فيكي يوم هنا
فقيرنا داخ و اللي اغتني
الكل مهموم وانا
شايل شادر
بطيخ
حَماره اللي مش اكيد
خلي المكحكح والوليد
يجري في قلبه وف الوريد
دم لونه
بطيخ
بطيخه قرعه ياااا بلد
ولجلها تفنو السند؟
وكمان عايزها تتسند
علي قشرتين
بطيخ
بالبلدي قلت و عدتها
انا مش هبلع بذرها
بقليل مرق من قلبها
انا هزرع
البطيخ
بطيخه عسله مأصله
مزروعه خير مش معصره
حلاوتها باينه مفسره
معادتش بقي
بطــــــــــــــــــــــــيخ