طنّشك .. طنّشيه .. ما بيهتمش بيكي .. ماتهتميش

طنّشك .. طنّشيه ..

ما بيهتمش بيكي .. ماتهتميش ..

ما بيسألش عنك .. ماتسأليش ..
... مابيتصلش بيكى ... ماتتصليش بيه
ع طول تليفونه مشغول ...... اشغلى انتى كمان تليفونك اتصلى بخدمة العملاء وارغى فى كلام

يفضّل أي حاجة تانية عليكي ( أصحابه .. أهله .. شغله .. البلاي ستيشن .. ) . .
ماتبقيش قاعدة زي الهبلة تستنيه .. قومي وأشغلي نفسك أنتي كمان ..

مابيحترمش مواعيده معاكي .. ارزعيه معاد ف عز الصيف الساعة 12 لحد الساعة 4 ف مكان الشمس تكون ضاربة فيه .. ( فكرة قديمة بس هتجيب مفعول )

بيخرج كتير .. اخرجي انتي كمان و أفرسيه ..

عينيه زايغة .. حسسيه أن الدنيا مش واقفة عليه و أن كتيييير يتمنوكي ..

بيتقل عليكي و يتنّك .. دي لعبتنا .. اتقلييييي و اتنّكي براحتك ..

كل ده بالصبر و الهدووء .. بدون مشاكل أو زعل ولا تحسسيه أنك مضـايقة خالص ..

وابتسميله ابتسامـة كبيــــــــــرة ف وشه عشان تجننيه أكتر وتحيريه .. :D

و أخيراً ..
لو خانك .. ده ماينفعش معاه حكمة وعقل بقى ..
ده تجيبي جزمة مقاس 92 وتديله بيها فوق نفوخه بكل طاقتك ..
عاوزاكي تخللي الدكاترة مايعرفوش يخيطوا فيها غرزة .. و سيبيه .. :D:D

وهتبقي أنتي الكسبانة وادعـــــــولى . .

جزاك الله خيرا على روعة الطرح
سلمت يداك
تقبل مرورى وتحياتى