ياصاحبي الدنيا حكايات وعلوم

ياصاحبي الدنيا حكايات وعلوم


قصص عجيبه تذهل اللي قراها


الدنيا لوتضحك معك دايم الدوم


خلك فطين ولايهمك رضاها


كم واحد تبني له امال وحلوم


يفنى وغيره يهتني في بناها


ياما افرحت قوم واحزنت قوم


وكم اعشقت عين وخانت غلاها


ياصاحبي شفت امس شف حالنا اليوم


دنيا تقلب يكفي الله بلاها


اليوم لامنه بغت عيني النوم


تنكدت روحي وعافت كراها


ماكل من علا بالاصوات مفهوم


وماكل روح تلتقي في مناها


وماكل من يشتكي معذب ومحروم


وماكل من يضحك همومه نساها


بحر الحياة ان صرت ماتعرف العوم


يرميك في غبة بعيدة مداها


من راح يستسلم من احزان وهموم


يموت حي وحاجته ماقضاها


واجه هبوب الوقت بايمان وعزوم


لابد ماربك يهدي هواها


واصبر اذا شمسك حجب نورها غيوم


الغيم يتفرق ويشرق سناها

بارك الله فيكم
شكرا على المرور الكريم

تحياتي

جزاك الله جناته
انتقاء رائع كعادتك
يتمايل الياسمين شذى بجمال متصفحك
وتتراقص الورود متعطره بروعة مانقلته أناملك
لروحك أطيب الورد واكاليل الزهر
معطره برقة طرحك