بعد ماترحل الدنيا وتذبل صورة أنسان!

بعــــد ماتـرحل الدنيــا وتذبــل صـــورة الانســان
ابيـــك بكــل ماتملــك تودعـنـــي وتنســـانـــــي

وأبي تكتب على قبري ( شهيد الرمش والاعيان)
وابيــك تلــف بـاوراق القصــايـد فيـك جثمانــــي

يا أغلــى حـــب بعثـرنـي ورتبنـي بـلا استئـــذان
وأول قلــب بالدنيــا نفــى الدنيـــا علـى شانــــي

يكفينــي وهــم إنــي بحبــك ( مغتـرب) ولهــان
ويكفينـي أسـى إنـي رسمتــك نصفـي الثانــي

تعــبت من الهمـوم وذكريـات الجـرح والحرمــــان
وأخــر مابقـى مـن حبــك اللـي زلــزل أركانـــي

وأنـــا أوعـــدك ياأجمــل ليــال الحــــب يافتــــان
لأســـافر عــن عيونــك للبعيــد اللـي تمنانــــي

هنــاك إذا غــدى قلبـي غريـب ولالقـى اوطــان
وشعـرت إن الجــروح تـزود والحرمـان ينعانـــي

وصارت خطوتـي دمعـة تدّور بالسـراب أوجــــان
وتلاشى الليل بهمـومه ومات الحـرف بلسانـــي

ولقــيت قلــوب غيـر قلــوب وخــلانٍ بــلاخـــلان
وصورة من بقايا الشك تقول ( إن الهوى فانـي )

أبحـرق مابقـى من حب وأبطلب ربـي الرحمـان
يـزيلك من عيون الحزن ومن روحي ووجدانـــي

خطـاي اني عشقتـك وانتهيـت بعالـم النسيـان
وزرعتك في حدود الشمس عشاقـي وخلانـي

وضاعت أجمل ايامي مابين السجن والسجـان
وعرفت ان الطريق اللي جمعنا سبـب أحزانـي

أنــا مأساة فـي مأسـاة انــا مركــب بلاربـــــان
أنــا مــن اول التاريـــخ والتاريـــخ يبــرانـــــــي

انــا المـوعد انا الفرقى أنا الصورة بـدون ألــوان
أنــا الثـورة انـا الغربة انـا المجنـي انـا الجانـي

انــا يوم انتهى عمري رضيت برحلـة الأحــزان
ولاتسألني عن دربــي ولا أرضـي وعنوانـــي

ابتـرك لك بعد ماارحـل ذنـوب تطلـب الغفـران
وتـرى لـو تقلب التكـويـن أبـد مـاراح تلقـانـــي

فمــان الله ياخـــلٍ علـى يدينـه عذابــي كـان
وسامحني على الفرقا ويكفـي منـك ماجانـي
تحيآتي ]

بارك الله فيك
جزاك الله خيرا على المجهود
رمضان ميارك
تحياتي

السلام عليكم ورحمة الله وبركاته

بارك الله فيك

على مجهودك الطيب