جروح الزمن

الســـــــــــــــــــــلام عليكم
اعزائي اليكم اخر ما كتبت وهي قصيد بعنوان جروح الزمن ارجو ان تنال اعجابكم
وتحية حب لكل من مر من هنا.........
ياحرف قم هات القلم وابني القاف=واكتب قصيده دمعها من قلمها
من هاجس ٍ صابه من الوجد غرياف=واحرق مداهيل الضلوع وسلبها
ازرع هواجيسي على كل مشراف=واحصد نهاية موسم الحزن منها
مرّه يجي محصولها وزن مغراف=ومرّه يفيض الخير واعرف ثمنها
مشيت بالدنيا على طول وخلاف=وازريت اميّز عظمها من لحمها
جيت ارتجي من بيض الايام ميقاف=جتني تقول الدهر الاسود منعها
سجيّت في عرض الفيافي والاحقاف=ورمالها من شامها لا يمنها
وجدت راعي العرف بالكاد ينشاف=والجاهل اخذ المعرفه واغتصبها
يبدي بها ما يعرف الصاد والكاف=سواد نطقه في بياضة لبنها
انشهد ان المعرفه صابها اجحاف=واصبح ردي القوم يلزم رسنها
ياوقت زمّلني ودثرني الحاف=شبّ القوافي وادفني من حطبها
ساروا رعاع الحرف للقاف اشراف=واخذوا فوايدها ونالوا لقبها
من يسرق المعنى من البوق ما خاف=ولا يدري ان المعرفه سال دمها
بنك الامانه ما بقى فيه صرّاف=صرّافها هاب السعير ولهبها
من قال كلمة حق للناس ينعاف=ومكان راس القوم يقعد ذنبها
حارت رجول المرجله عند الاسعاف=ولا عرف دكتورنا وش مرضها
القرم طاح وضاع فعله بلا انصاف= وعوّد جبان الفعل يرفع علمها
الّلاش سار بكلمة المكر سياّف=وابن الحموله سار بأتلى ظعنها
الذيب الاسحم كان للرخل خطّاف=واليوم كنّه وحدة من غنمها
الاجودي يكرمك وسنينه اعجاف=دايم وريحة مجلسه من شحمها
اما بخيل الجاه تلقاه خوّاف=وان شاف ظيفانه خدوده لطمها
الشيمة اللي كانت الوان واصناف=يبغونها ذاليوم تلغي شرفها
العز يحفظ بالمحاكم والاوقاف=والذل يذرا في مزارع وطنها
شوفوا سميره قامت اتغازل الطاف=واما شريفه ظيعت من خطبها
هذي ضريبة وقتنا كلّه اسلاف=وراع الذلول المردفه ما حلبها
ياوقت هات الشاص وانت اركب الهاف=عاداتنا نبحث من اللي سرقها
وياحرف ناولني القلم وابني القاف=واكتب مثايل غيرنا ما كتبها

بقلم
الأجدل

منقول