صور تنطق بالحب

كل هذا الحب

كل هذا حب؟؟ ياقلبي حرام ! إرفق بحالي .. تراني منتهي
يعني وبعدين؟؟ زبدة هالكلام؟؟ ودي أخلص من جروحك .. وألتهي
لعنبوا حيّك .. لعب فيك الغرام واللي يسمع يحسب إنك مرتهي !
من تشوف اللي تبادرك الهيام زدت دقاتك عليّ .. وقلت: هي !
بي جروح – ماكنه - من كمّ عام شوفها .. وبعدين سو ماتشتهي
خل يبقى لي مع الناس احترام وإلا أنا خابرك .. مبطي منتهي ! !

احبك وحيل اهواك

أي والله أني أعشقك وأتمناك وأحيا وأعيشك وأنتهي وسط موتك
وأرجع اعيشك بعد مااموت وأحياك وأحيا من أجل أني أعيشك وأموتك
ياقبلة الله ( يالعطش ) كيف أبرواك وشلون من عنابك اروى وتوتك
كنت اكره اسمي لين نادت به شفاك يالعنبوه وياحلاته بصوتك
والعمر واحد جعلني من فداياك لامر يومٍ ماقتلته يفوتك
مادام احبك واعشقك حيل وأهواك وش فايدة لا عشت بك لين اموتك

ماتبي تكتب احبك

تدري وش معنى غيابك ؟

يعني الموت المحقق

عمرك إنتَ شفت [ دفتر ]

من غلا شخص يتشقق

يعلَم الله وش [ ظروفي ]

يا بعد عيني وشوفي

مدري وش فيها حروفي

ما تبي تكتب ( أحبك )

ليتك الليله معايه

ليمتى وهذي السوالف ؟

كل ما جيتك تخالف

قول إذا ع البُعد حالف

وما تبي ترجع لي ثاني

قول

علمني

عشاني

لا تعلِّقني ب دربك

بين قلبي وبين قلبك

ما أبي أكثر أعاني

ع الأقل , عطني [ نهايه ]

من أماني لي أماني

في دقايق في ثواني

أحترق وأقول :

وينك ؟

تعلقت بك

تعلقت بك والله كتبني على فرقاك .:. حسبي على الحظ الردي كانه اشقاني

قلبي بايديك

عجزت بلساني أوصف لك تصدق ولا أحلف لك

وأنت كريم من أصلك نعيم الحب في وصلك

وهو أغلى ما عندي وشوف قلبي على يدي

أجيب لك قلب ثاني منين

وتبغى زيادة في حبك

يقولوا قلوبهم دابت من الآهات

واحنا وعودنا طابت على الأنات

في دنيا غير دنيتهم

جديدة وجنه عدتهم

بحب وحنان لقاء وأمان

ياأحلى ما نظر انسان

وكلمة حب قليلة عليك أقلك أنت حب القلب

وأنت قلوبنا في أيديك

قليلة يقولها من حب

تصورها بهمساتك

وتسعدها بلفتاتك

تصدق وإلا احلف لك ?!

مليون احبكـــ

مليون أحبك والغلا فوق مليون ولو ما كفنّك زدنا فيهن ملايين
لله درّك فيك هالقلب مجنون وياما خلايق فيك صاروا مجانين
ليش العجب؟ مادامك أغنج ومزيون جدام زينك غابوا كل المزايين
كن الحلا في وجنتك صار مسجون وإحنا معه صرنا بحبك مساجين
مسكين قلبي فيك يازين مفتون حَبك ويدري ياما حولك مساكين
وش حال قلب(ن) بالهوى صاح مطعون لاشاف خله يطمعوا به الملاعين
حب(ن) يجيب الشك والله ملعون وملعون قلب(ن) يتّبع ناس فاضين
ولولا خفوقك صار في إيدي مضمون بيضيع فكري من هجوس الشياطين
حبك مع الإخلاص بالقلب مدفون والحب جنه لاغدوا الناس وافيين
ولو ضاع حب(ن) بالمعاليق مكنون بدعي بموتي وليتك تقول آمين
الموت أرحم من تناهيد محزون والشوق جمره والمفارق براكين
واللي يحب بيظل للحب مديون الحب قهوة والخوافق فناجين
مهما حصل يبقى الأثر فيها مخزون مثل الأريج اللي بقى م الرياحين
ومادام قلبي للهوى صار مرهون وشلون تطلب للمحبه براهين؟
برهاني إني فيك بالحيل مجنون ولاشك إني فيك أغبى المجانين
لكن تأكد لو يحبوك مليون ببقى أنا أوفى جميع الملايين

مما راق لي