دايما زعلااان !

دايما زعلان
*******************
ورجعت تقول إنك زعلان
وانت مزعلنى لكن ناسي

وتعدى أيام وتعمل غضبان
وتبان مغرور,,قلبك قاسي

دايما بتلومنى وتظلمنى
وأنا بسكت طبعا اكمنى

مابشوفش الدنيا دى من غيرك
ولامره بيجى فى تفكيرك

كام ليلة أنا بسهر بدموعى؟
وانت اللى تراهن برجوعى!

ماحاولتش تسأل وتقولى
وحشاك ولانسينى تملى

على طول تتخانق وبتزعل
وان جيت أسأل طبعا تتقل

ان كنت نسيتنى وجايلك نوم
حاول تحلم بيا فى مره

أنانفسي انساك حتى ولو يوم
لكن برجع وأعيد الكَرّه