خلاص كنسلت الغلى والمشاريه

خلاص كنسلت الغلى والمشاريه
حقك علي لو شفت قلبي تشره!!

وقربك بعد ماعاد اطيقه ولا ابيه
وماعاد لك فالقلب مثقال ذره!!

وكرهت قلبي من سبب شوفتك فيه
وحاولت ازيحك منه مليون مره!!

وسمحت من جو المحبه وطاريه
وتركت لك حبك وخيره وشره!!

ضيقت صدري لين زادت بلاويه
خطرا علي اشق جيبي واطره!!

من كثر ماضاق الفؤاد وعراويه
قطع خفوقي من شقاه الازره!!

خله بجرحه لاتعود تداويه
حتى دواك اشوف فيه المضره !!

ووفر هلا وامر فديتك ولبيه
ماعاد ابيها دام فيها تشره!!

الشاعر- ((محمد بن علي ال سعيدان))

عسى انا تنال على اعجابكم وذائقتكم..........